لاہور: قومی اسمبلی میں قائد حزب اختلاف شہباز شریف نے کہا ہے کہ علاج آٓصف علی زرداری کا بنیادی، قانونی اور انسانی حق ہے۔
قائد حزب اختلاف شہباز شریف نے سماجی رابطہ کی ویب سائٹ ٹوئٹر پر سابق صدر آصف علی زرداری کی شدید علالت پر گہری تشویش کا اظہار کیا۔
Deeply concerned and extremely alarmed over former President Asif Ali Zardari’s severe ailment. The government must ensure the provision of the former President’s legal rights. Adequate Medical treatment is Asif Ali Zardari’s basic human and legal right!
— Shehbaz Sharif (@CMShehbaz) November 5, 2019
شہباز شریف نے لکھا کہ حکومت آصف علی زرداری کے قانونی حقوق پورے کرنے کے لیے فوری اقدامات کرے کیونکہ علاج آصف زرداری کا بنیادی حق ہے۔
انہوں نے کہا کہ دوران قید علاج معالجہ فراہم نہ کرنا سیاسی انتقام نہیں تو اور کیا ہے؟ شہباز شریف نے سابق صدر کے لیے دُعا کرتے ہوئے کہا کہ اللہ تعالیٰ آصف زرداری کو صحت کاملہ عطا فرمائے۔
یہ بھی پڑھیں آصف زرداری کے لیے پرائیوٹ میڈیکل بورڈ تشکیل دینے کا مطالبہ
دوسری جانب سے آصف علی زرداری کی صاحبزادی آصفہ بھٹو نے اپنے ٹوئٹر پیغام میں لکھا کہ چھ ماہ ہو گئے اور میرے والد کو ان کے ڈاکٹرز تک رسائی نہیں دی گئی۔ حکومت جان بوجھ کر اپنے ہی سرکاری ڈاکٹروں کی میڈیکل رپورٹ کی معلومات فراہم نہیں کر رہی۔
My father has had no access to his doctors for 6 months.Govt purposely retracts information from his medical reports by govt doctors. As a diabetic heart patient with spinal issues, we fear for his health & have gone to Court for private doctors to be allowed to assess his health
— Aseefa B Zardari (@AseefaBZ) November 5, 2019
انہوں نے کہا کہ صدر آصف زرداری ریڑھ کی ہڈی کے مسائل کے ساتھ ذیابیطس سے متاثرہ دل کے مریض ہیں اور ہمیں آصف زرداری کی صحت کے حوالے سے خدشات لاحق ہیں۔ ہم عدالت جائیں گے تاکہ ذاتی معالجین کو آصف علی زرداری کے علاج کے لیے رسائی دی جائے۔
واضح رہے کہ پیپلز پارٹی کے شریک چیئرمین اور سابق صدر آصف علی زرداری اس وقت اسلام آباد کے پمز اسپتال میں زیر علاج ہیں جہاں انہیں دو ہفتے قبل منتقل کیا گیا تھا۔ سابق صدر کو دل کے عارضہ سمیت مختلف امراض لاحق ہیں۔
