رونکی کی ریکارڈ توڑ اننگ نےکنگز کی کامیابیوں کو بریک لگا دیا

March 5, 2018
نازش حسن

شارجہ: پاکستان سپر لیگ  ( پی ایس ایل تھری)  کے 15ویں میچ میں اسلام آباد یونائیٹڈ نے کراچی کنگز کی کامیابیوں کا تسلسل توڑ دیا۔

اسلام آباد یونائیٹڈ نے کراچی کنگز کو ایونٹ کے پانچویں میچ میں آٹھ وکٹوں سے شکست دے دی۔ یونائیٹڈ نے مطلوبہ ہدف 18ویں اوور کی دوسری گیند پر پورا کر لیا۔

154 رنز کے ہدف کے تعاقب میں یونائیٹڈ اوپنرز میدان میں آئے تو پہلی وکٹ کی شراکت میں 104 رنز جوڑ دیے۔

اسلام آباد کی جانب سے لیوک رونکی نے 23 گیندوں کا سامنا کرتے ہوئے شاندار نصف سنچری مکمل کی۔

پہلے آوٹ ہونے والے کھلاڑی رونکی تھے۔ اوپنر بلے باز تین چھکوں اور دس چوکوں کی مدد سے 71 رنز بنا کر ٹاپ اسکورر رہے۔

لیوک رونکی نے پی ایس ایل کے تیسرے ایڈیشن میں سب سے زیادہ اسکور بنانے والے ڈیوائن اسمتھ کا ریکارڈ بھی برابر کر دیا ہے۔

ڈیوائن اسمتھ اسلام آباد یونائیٹڈ کی نمائندگی کر رہے ہیں۔

یونائیٹڈ کی دوسری وکٹ 117 کے مجموعی اسکور پر گری۔ حسین طلعت اسلام آباد یونائیٹڈ کی جانب سے کھیلتے ہوئے ایونٹ میں پہلی مرتبہ آؤٹ ہوئے۔

آل راؤنڈر کھلاڑی اس سے قبل کھیلے گئے چار میچز میں ناٹ آؤٹ رہے تھے۔

جین پال ڈومینی رنز بنانے میں کامیاب ہوئے۔

17ویں اوور میں 136 کے مجموعی اسکور پر بالر تیمل ملز نے آصف علی کا نہایت آسان کیچ ڈراپ کر کے میچ میں واپس آنے کا دوسرا چانس کھو دیا۔

اس سے پہلے 16ویں اوور میں بھی عثمان خان کی گیند پر آصف علی کا ہی کیچ بابر اعظم نے ڈراپ کر دیا تھا۔

میچ کے آغاز میں یونائیٹڈ کپتان مصباح الحق نے ٹاس جیت کر عماد وسیم کو پہلے بیٹنگ کی دعوت دی۔

پہلے اننگ کا آغاز کرنے کنگز ٹیم میدان میں آئی تو پہلی وکٹ کی شراکت میں چھ رنز بنا سکے۔

اوپنر خرم منظور کے ساتھی بلے باز جو ڈینلے چار رنز بنا کر آؤٹ ہو گئے۔

بابر اعظم میدان میں آئے تو خرم منظور کے ساتھ مل کر 101 رنز جوڑے۔ دوسری وکٹ خرم منظور کی گری۔ اوپنر بلے باز 51 رنز بنا کر فہیم اشرف کی گیند کا شکار ہو گئے۔ انہوں نے 44 گیندوں کا سامنا کرتے ہوئے ایک چھکا اور چھ چوکے اپنے ریکارڈ میں لکھوائے۔

خرم منظور نے پی ایس ایل کے کسی بھی سیزن کی پہلی نصف سنچری بنائی۔

کولن انگرام بھی میدان میں آتے اور جاتے دکھائی دیے۔

بابر اعظم بھی نصف سنچری مکمل کر کے حسین طلعت کی گیند کا شکار ہوئے۔ انہوں نے دو چھکوں اور تین چوکوں کی مدد سے 53 گیندوں کا سامنا کرتے ہوئے 55 رنز بنائے۔

بابر اعظم نے پی ایس ایل کے تیسرے ایڈیشن کی پہلی نصف سنچری اسکور کی۔

پانچویں وکٹ روی بوپارا کی گری۔ بلے باز 126 کے مجموعی اسکور پر 8 رنز بنا کر رن آؤٹ ہوئے۔

عماد وسیم دوہرے ہندسے پر پہنچتے ہی فہیم اشرف کی گیند پر آؤٹ ہوئے۔ کپتان نے دس رنز کی اننگ کھیلی۔

آخری اوورز کھیلنے میدان میں آئے محمد رضوان نے ایک چھکے اور دو چوکوں کی مدد سے نو گیندوں کا سامنا کرتے ہوئے 21 رنزبنائے اور ناٹ آؤٹ رہے۔

اسلام آباد کی جانب سے فہیم اشرف نے تین کھلاڑیوں کو میدان سے باہر کی راہ دکھائی۔


ٹیگز :
متعلقہ خبریں

پریکٹس اینڈ پروسیجر ترمیمی آرڈیننس پر عملدرآمد شروع، جسٹس منیب ججز کمیٹی سے باہر

پاکستان سٹاک ایکسچینج میں کاروبار نئی تاریخی بلندی پرپہنچ گیا
پی ٹی آئی

پنجاب حکومت نے پی ٹی آئی کو لاہور میں جلسے کی اجازت دے دی