امریکی ریاست کولوراڈو کے اسکول میں فائرنگ کا واقعہ پیش آیاہےجسکے نتیجے میں ایک طالب علم ہلاک 8زخمی ہوگئے ہیں۔
غیر ملکی خبر رساں ایجنسی کے مطابق زخمی طلبہ کو فوری طبی امداد کے لیے اسپتال منتقل کردیا گیا ہے۔
کولوراڈو کی مقامی پولیس کے مطابق فائرنگ کے واقعے میں زخمی ہونے والے 8 طلبہ میں سےکچھ کی حالت تشویشناک ہے۔
پولیس نے ابتدائی اطلاعات میں بتایاہے کہ مسلح افراد نے اسکول میں داخل ہوکر دو الگ الگ کلاس رومز میں طالبعلموں پر فائرنگ کی۔
امریکی پولیس نے امکان ظاہر کیا ہے کہ فائرنگ کرنے والے دونوں افراد اسکول کے طالبعلم ہوسکتے ہیں۔
پولیس نے اس واقعے کے بعد دو مشتبہ افراد کو گرفتاربھی کرلیاہے ۔ گرفتار کیے گئے افراد میں ایک بالغ اوردوسرا کم عمر لڑکا ہے۔
غیر ملکی خبر رساں ایجنسی کے مطابق امریکی پولیس نے مشتبہ افراد کے گھر اور گاڑی کی تلاشی کیلیے سرچ وارنٹ لینے کی کوشش کررہی ہے ۔
ساؤتھ میٹرو فائر ریسکیو کی طرف سے سماجی رابطے کی ویب سائٹ پر بتایا گیا کہ سکول میں بچوں اور دیگر لوگوں کو ریسکیو کرنے کے لیے 79یونٹس کام کررہے ہیں۔ 148افراد کا عملہ بمعہ 3 میڈیکل ہیلی کاپٹرز موقع پر موجود ہیں۔
79 units, approximately 148 fire and medical personnel and 3 medical helicopters from across the metro area were on scene or responding to the #stemshooting today. This is a heartbreaking scenario that our law enforcement, fire/rescue and EMS agencies have thoroughly trained for. pic.twitter.com/qEJiwandhj
— South Metro Fire Rescue (@SouthMetroPIO) May 7, 2019
امریکی ریاست کولوراڈو میں اسکول پر فائرنگ کے واقعے کے بعد سماجی رابطوں کی ویب سائٹ پر امریکی شہریوں کی طرف سے سخت رد عمل دیکھنے میں آرہاہے۔ شینن وٹس نامی سماجی کارکن نے ٹوئٹر پر لکھا ہے کہ 80فیصد قانون بنانے والے امریکی مرد ہیں۔ خواتین اپنے خاندانوں کو محفوظ بنانے کے لیے قوانین نہیں بنا رہیں ۔ ہمیں اس حوالے سے میسر مواقعوں سے فائدہ اٹھانا ہوگا۔ ہمیں اپنی آواز بلند کرنا ہوگی اور ووٹ کا حق استعمال کرنا ہوگا۔
خاتون سماجی کارکن نے لکھا کہ ہر روز ہمارے بچے گن بنانے والوں کے نفع کےلیے قربان ہورہے ہیں ۔
80% of US lawmakers are men. Women aren’t making the laws that keep our families safe. We must pull the levers available to us: our voices and votes.
Every day, our children are sacrificed for gun manufacturers’ profits.
Text ACT to 644-33 to join @momsdemand #STEMshooting pic.twitter.com/lp3LiyTuuw
— Shannon Watts (@shannonrwatts) May 8, 2019
یہ بھی پڑھیے:امریکی ہائی اسکول میں فائرنگ، دس افراد ہلاک
یاد رہے گزشتہ برس مئی ہی میں امریکی ریاست ٹیکساس کے شہر سانتا فے کے ہائی اسکول میں فائرنگ سے دس افراد ہلاک ہو گئے تھے جن میں نو طالب علم اور ایک استاد شامل تھا۔
سانٹا فے ہائی اسکول میں طالبعلم کی فائرنگ سے پاکستانی طالبہ سبیکا شیخ بھی جاں بحق ہوگئی تھی ۔
اطلاعات کے مطابق حملہ آور کے ہاتھ میں شاٹ گن تھی اور اس نے آرٹس کلاس میں جا کر اندھا دھند فائرنگ کر دی، فائرنگ کی آواز سن کر لڑکوں نے کلاس سے باہر بھاگ کر الارم بجا دیا جس پر پورے اسکول میں بھگدڑ مچ گئی اور طلبا و اساتذہ جان بچانے کے لئے باہر بھاگ نکلے۔
اسکول کے اسسٹنٹ پرنسپل کرس رچرڈ سن نے میڈیا کو بتایا تھا کہ پولیس نے حملہ آور کو گرفتار کرلیا ہے، امریکی میڈیا کے مطابق حملہ آور اسی اسکول کا طالب علم ہے۔
