راولپنڈی: پاک فوج کے شعبہ تعلقات عامہ (آئی ایس پی آر) نے بتایا ہے کہ کور کمانڈر راولپنڈی لیفٹیننٹ جنرل بلال اکبرنے سیاچن کا دورہ کیا ہے۔
آئی ایس پی آر کے مطابق دورے میں کور کمانڈر نے جوانوں سے ملاقات کی اور آپریشنل تیاریوں کا جائزہ لیا۔
آئی ایس پی آر نے بتایا کہ دورے کے دوران کورکمانڈرنے جوانوں کے جذبے کو سراہا۔
واضح رہے پاک فوج کے سربراہ جنرل قمر جاوید باجوہ نے بھی سیاچن کا دورہ کیا تھا اور اپنے خطاب میں کہا تھا کہ پاک فوج مشرقی سرحد پر ہر قسم کے خطرات کا جواب دینے کے لیے پوری طرح تیار ہے۔
ان کا کہنا تھا کہ ہم سب اس بات پر فخر محسوس کرتے ہیں کہ ہم پاکستان کے سپاہی ہیں۔ اس موقع پر آرمی چیف نے شہدائے گیاری کی یادگار پر پھول بھی چڑھائے تھے۔
یہ بھی پڑھیں: بھارت کو کشمیر، سیاچن، سرکریک پر بات کرنا ہو گی، سینیٹ
جنرل قمر جاوید باجوہ نے اپنے خطاب میں یہ بھی کہا تھا کہ ہمیں اندرونی سیکیورٹی مسائل کا سامنا بھی ہے لیکن پھر بھی ہم بیرونی خطرے کا سخت جواب دے سکتے ہیں۔
اس دورے کے دوران آرمی چیف نے گلگت بلتستان کے عمائدین سے بھی ملاقات کی تھی۔
