پاک فضائیہ کے لڑاکا جے ایف 17 تھنڈر بلاک III اور سی 130 طیارے دنیا کے سب سے بڑے ایئر شو میں شرکت کے لیے برطانیہ پہنچ گئے۔
آئی ایس پی آر کے مطابق پی اے ایف کا دستہ رائل انٹرنیشنل ایئر ٹیٹو 2025ء میں شرکت کر رہا ہے، دنیا کے سب سے بڑے فوجی ایئر شو میں پاکستان کی شاندار نمائندگی اعزاز ہے۔
پاک فضائیہ کے ساتھ مشترکہ آپریشنل مشقوں میں اضافہ کیا جائے گا، نیول چیف
آئی ایس پی آر نے کہا کہ جے ایف 17 تھنڈر بلاک III نے برطانیہ میں ایئر ٹو ایئر ری فیولنگ کا مظاہرہ کیا، پی اے ایف کا آئی ایل 78 ٹینکر بین الاقوامی آپریشنز کی علامت بنا، جے ایف 17تھنڈر بلاک تھری جدید ریڈار اور لانگ رینج بی وی آر میزائلز سے لیس ہے۔
آئی ایس پی آر کے مطابق ایئر شو میں پی اے ایف سی 130 نے Eyes in the Skies تھیم پر مبنی آرٹ ورک کا مظاہرہ کیا، ایئرشو میں شرکت عالمی امن اور سکیورٹی میں پاک فضائیہ کے مثبت کردار کی عکاس ہے ، پاک بھارت کشیدگی کے بعد جے ایف 17 تھنڈر کی آمد کا شدت سے انتظار کیا جا رہا تھا۔
