لبنان کے دارالحکومت بیروت میں اسرائیلی فوج نے فضائی حملہ کیا ہے، جس میں حزب اللّٰہ کمانڈر فواد شکر کو شہید کرنے کا دعویٰ کیا گیا ہے۔
لبنانی میڈیا کے مطابق اسرائیلی حملے میں اب تک ایک شہید اور متعدد زخمیوں کو اسپتال لایا گیا۔حزب اللّٰہ نے اسرائیلی حملے میں اپنے کسی اہلکار کی ہلاکت کی تصدیق نہیں کی۔
خبر ایجنسی کی رپورٹ کے مطابق حملہ حزب اللّٰہ کے گڑھ ضاحیہ کے علاقے میں کیا گیا۔
اسرائیلی اخبار کی رپورٹ کے مطابق اسرائیل نے حزب اللّٰہ کے دوسرے نمبر کے اہم ترین رہنما فواد شکر کو نشانہ بنایا ہے۔
ترک فوج اسرائیل میں داخل ہوسکتی ہے، صدر ایردوان کی دھمکی
دوسری جانب اسرائیلی فوج کا دعویٰ ہے کہ حملے میں مجدل الشمس پر حملے میں ملوث حزب اللّٰہ کمانڈر کو نشانہ بنایا گیا ہے۔
امریکی اسٹیٹ ڈپارٹمنٹ کا کہنا ہے کہ فواد شکر نے 241 امریکی میرینز کی ہلاکت میں مرکزی کردار ادا کیا۔ امریکا نے فواد شکر کے قتل پر 50 لاکھ ڈالر رقم رکھی ہے۔
اسرائیلی وزیر دفاع کا کہنا ہے کہ حزب اللّٰہ نے تمام ریڈ لائنز عبور کی ہیں۔
روس کا کہنا ہے کہ لبنان پر اسرائیلی حملے بین الاقوامی قوانین کی صریح خلاف ورزی ہیں۔
