اسلام آباد: وفاقی وزیر سائنس و ٹیکنالوجی فواد چودھری نے حکومت سندھ پر کڑی نکتہ چینی کرتے ہوئے کہا ہے کہ صوبائی حکومت کا انٹرنیٹ پر 19.5 فیصد سیلز ٹیکس کے نفاذ کا فیصلہ ٹیکنالوجی اور کمیونی کیشن کی حوصلہ شکنی کے مترادف ہے۔
سندہ حکومت کا انٹرنیٹ پر 19.5فیصد سیلز ٹیکس کے نفاذ کا فیصلہ ٹیکنالوجی اور کمیونیکیشن کی حوصلہ شکنی کے مترادف ہے، اس کا براہ راست نقصان نوجوانوں خصوصاً طالبعلموں کو ہو گا، سندہ حکومت کو میری درخواست ہو گی کہ اس فیصلے پر نظرثانی کریں انٹرنیٹ سروسز اب بنیادی ضرورت ہیں
— Ch Fawad Hussain (@fawadchaudhry) July 26, 2019
سماجی رابطے کی ویب سائٹ ’ٹوئٹر‘ پر جاری کردہ اپنے ایک بیان میں انہوں نے کہا کہ حکومت سندھ کے اس فیصلے سے براہ راست نقصان نوجوانوں کو بالعموم اور طلبہ کو بالخصوص ہوگا۔
ہم چاہیں بھی تو نواز شریف سے ڈیل نہیں کرسکتے، فواد چوہدری
پاکستان تحریک انصاف سے تعلق رکھنے والے وفاقی وزیرسائنس و ٹیکنالوجی فواد چودھری نے پاکستان پیپلزپارٹی کی سندھ میں قائم حکومت سے درخواست کی کہ وہ اپنے کیے جانے والے فیصلے پر نظر ثانی کرے۔
وفاقی وزیر نے واضح کیا کہ انٹرنیٹ سروسز اب بنیادی ضروریات میں شامل ہیں۔