کراچی: پاکستان پیپلز پارٹی (پی پی پ) کے چیئرمین بلاول بھٹو زرداری نے ممتاز ماہر تعلیم اور ادیب پروفیسر لیاقت عزیز کے انتقال پر گہرے رنج و غم کا اظہار کرتے ہوئے کہا ہے کہ مرحوم کی علم و ادب کےلیے خدمات ناقابل فراموش ہیں۔
انہوں نے گزشتہ روز جاری کردہ بیان میں کہا کہ پروفیسر لیاقت عزیز کی اساتذہ کے حقوق کے لیے جدوجہد ہمیشہ یاد رکھی جائی گی۔
** پی پی پی چیئرمین بلاول بھٹو زرداری کی جانب سے نامور تعلیمدان و ادیب پروفیسر لیاقت عزیز کے انتقال پر اظہار دکھ و افسوس
** بلاول بھٹو زرداری نے سوگوار خاندان سے تعزیت و ہمدردی کا اظہار کیا
** پروفیسر لیاقت عزیز کی تعلیم و ادب کے لیئے خدمات ناقابل فراموش ہیں: بلاول بھٹو زرداری
— PPP (@MediaCellPPP) September 30, 2018
بلاول بھٹو زرداری نے کہا کہ پروفیسر لیاقت عزیز کے انتقال سے ملک ایک روشن خیال، مساوات اور رواداری پر یقین رکھنے والے استاد و ادیب سے محروم ہوگیا ہے۔
چیئرمین پیپلز پارٹی نے سوگوار خاندان سے تعزیت و ہمدردی کا اظہار کرتے ہوئے دعا کی ہے کہ اللہ تعالیٰ مرحوم کی مغفرت فرمائے، درجات بلند کرے اور لواحقین کو صبر جمیل عطا فرمائے۔ آمین۔