وزیراعظم شہبازشریف کا کہنا ہے کہ پاکستان خطے میں امن کے فروغ کے لیے اپنا تعمیری کردار جاری رکھے گا۔
تفصیلات کے مطابق وزیراعظم شہباز شریف کا ایرانی صدرمسعود پزشکیان سے ٹیلیفونک رابطہ ہوا،شہباز شریف نے ایرانی صدر اور عوام کو عیدالفطر و نوروز کی مبارکباد پیش کی۔
ایران کی امریکی صدر کے ایران کے ساتھ رابطوں کے دعوے کی تردید
ایرانی صدر نے مبارکباد کا پرتپاک انداز میں جواب دیا اور پاکستانی عوام کیلئے نیک تمناؤں کا اظہار کیا،وزیراعظم نے جاری کشیدگی کے تناظر میں ایران کے ساتھ پاکستان کی یکجہتی کا اظہار کیا۔
وزیراعظم نے قیمتی جانوں کے ضیاع پر اظہار افسوس اور زخمیوں کی جلد صحتیابی کیلئے دعا کی،انہوں نے خلیجی خطے میں جاری کشیدہ صورتحال پر گہری تشویش کا اظہار کیا۔
امریکی صدر کے ایران پر حملے روکنے کے اعلان کے بعد خام تیل کی قیمتیں گر گئیں
وزیراعظم نے کشیدگی میں کمی، مذاکرات اور سفارتکاری کی طرف واپسی کی فوری ضرورت پر زور دیتے ہوئے کہا کہ پاکستان خطے میں امن کے فروغ کے لیے اپنا تعمیری کردار جاری رکھے گا۔
