حج پروازوں کا شیڈول سامنے آ گیا، پاکستان سے پہلی حج پرواز 18 اپریل کو روانہ ہو گی۔
وفاقی وزارت مذہبی امور کے ذرائع کے مطابق 18 اپریل کو کراچی، لاہور، سیالکوٹ اور ملتان سے پروازیں روانہ ہوں گی، عازمین کو اگلے ہفتے ان کی متعلقہ پروازوں سے آگاہ کر دیا جائے گا۔
وزارت مذہبی امور نے عازمین حج کیلئے نئی ہیلتھ ایڈوائزری جاری کر دی
سرکاری حج اسکیم کے تحت 468 پروازوں سے 1 لاکھ 19 ہزار عازمین کو حجاز مقدس بھیجا جائے گا۔
حج آپریشن کے پہلے روز عازمین کو 4 پروازوں کے ذریعے مدینہ روانہ کیا جائے گا۔ جدہ کیلئے 4 مئی سے حج پروازوں کا آغاز کیا جائے گا، آخری حج پرواز21 مئی کو روانہ ہو گی۔
حج آپریشن کو مکمل ڈیجیٹل بنانے کیلئے وزارت مذہبی امور اور وزارت آئی ٹی میں ایم او یو پر دستخط
ذرائع کے مطابق پاکستان کے 8 شہروں سے حج پروازیں چلائی جائیں گی، اسلام آباد سے 129، کراچی سے 124 ، لاہور سے 104 ،کوئٹہ 18 ملتان 34 ، سیالکوٹ 26 ، فیصل آباد 23 اور سکھر سے 5 حج پروازیں جائیں گی۔
