لاہور: پاکستان سپر لیگ (پی ایس ایل) کے گیارہویں سیزن کے لیے پانچ فرنچائز نے برقرار رکھے گئے کھلاڑیوں اور ان کے معاوضوں کا باضابطہ اعلان کر دیا۔ جبکہ ملتان سلطانز کی جانب سے کسی بھی کھلاڑی کو برقرار نہیں رکھا گیا۔
پشاور زلمی نے قومی ٹیم کے سابق کپتان بابر اعظم کو پلاٹینم کیٹیگری میں 7 کروڑ روپے کے عوض برقرار رکھا ہے۔ ڈائمنڈ کیٹیگری میں سفیان مقیم کو 4 کروڑ 48 لاکھ روپے، گولڈ کیٹیگری میں عبدالصمد کو 2 کروڑ 80 لاکھ روپے جبکہ ایمرجنگ کیٹیگری میں علی رضا کو ایک کروڑ 96 لاکھ روپے میں ریٹین کیا گیا ہے۔
The yellow storm is coming ⚡️
Peshawar Zalmi have confirmed their retentions for HBL PSL 2026, ahead of the upcoming Player’s Auction#HBLPSL | #NewEra pic.twitter.com/wnF8PepPto
— PakistanSuperLeague (@thePSLt20) February 4, 2026
لاہور قلندرز نے شاہین شاہ آفریدی کو پلاٹینم کیٹیگری میں 7 کروڑ روپے میں برقرار رکھا۔ ڈائمنڈ کیٹیگری میں عبداللہ شفیق کو 2 کروڑ 20 لاکھ روپے، گولڈ کیٹیگری میں سکندر رضا کو 2 کروڑ 80 لاکھ روپے جبکہ سلور کیٹیگری میں محمد نعیم کو 70 لاکھ روپے میں ریٹین کیا گیا ہے۔
The yellow storm is coming ⚡️
Peshawar Zalmi have confirmed their retentions for HBL PSL 2026, ahead of the upcoming Player’s Auction#HBLPSL | #NewEra pic.twitter.com/wnF8PepPto
— PakistanSuperLeague (@thePSLt20) February 4, 2026
کوئٹہ گلیڈی ایٹرز نے ابرار احمد کو پلاٹینم کیٹیگری میں 7 کروڑ روپے میں برقرار رکھا ہے۔ ڈائمنڈ کیٹیگری میں عثمان طارق کو 5 کروڑ 60 لاکھ روپے، گولڈ کیٹیگری میں حسن نواز کو 3 کروڑ 92 لاکھ روپے جبکہ ایمرجنگ کیٹیگری میں شامل حسین کو 84 لاکھ روپے میں ریٹین کیا گیا ہے۔
Locked in for the battle ⚔️
Quetta Gladiators have confirmed their retentions for HBL PSL 2026, ahead of the Player’s Auction#HBLPSL | #NewEra pic.twitter.com/bJxxiMd7QD
— PakistanSuperLeague (@thePSLt20) February 4, 2026
کراچی کنگز نے فاسٹ بولر حسن علی کو پلاٹینم کیٹیگری میں 4 کروڑ 76 لاکھ روپے کے عوض برقرار رکھا۔ اس کے علاوہ ڈائمنڈ کیٹیگری میں عباس آفریدی کو 3 کروڑ 8 لاکھ روپے، گولڈ کیٹیگری میں خوشدل شاہ کو 3 کروڑ 36 لاکھ روپے اور ایمرجنگ کیٹیگری میں سعد بیگ کو 60 لاکھ روپے میں ریٹین کیا گیا ہے۔
Kings are prepared for the next phase 🤴🏽
Karachi Kings have locked in their retained players for HBL PSL 2026, ahead of the Player’s Auction#HBLPSL | #NewEra pic.twitter.com/IYgHAxeXyJ
— PakistanSuperLeague (@thePSLt20) February 4, 2026
اسلام آباد یونائیٹڈ نے شاداب خان کو پلاٹینم کیٹیگری میں 7 کروڑ روپے میں برقرار رکھا جبکہ سلمان ارشاد کو گولڈ کیٹیگری میں ایک کروڑ 40 لاکھ روپے اور آندریس گوس کو سلور کیٹیگری میں ایک کروڑ 20 لاکھ روپے میں ریٹین کیا گیا ہے۔
اسلام آباد یونائیٹڈ کے پاس آکشن کے لیے 45 کروڑ روپے مختص کیے گئے تھے، جن میں سے فرنچائز 9 کروڑ 60 لاکھ روپے خرچ کر چکی ہے۔ پی سی بی کے مطابق فرنچائزز کو ریٹین کیے جانے والے کھلاڑیوں کی رقوم سے آگاہ کر دیا گیا ہے جبکہ ڈائریکٹ سائننگ کے لیے اضافی 5 کروڑ 50 لاکھ روپے رکھے گئے ہیں۔
Ready to roar 🦁
Islamabad United have confirmed their retentions for HBL PSL 2026 ahead of the Player’s Auction#HBLPSL | #NewEra pic.twitter.com/bAXQlwb0x0
— PakistanSuperLeague (@thePSLt20) February 4, 2026
واضح رہے کہ پی ایس ایل 11 کے لیے ملتان سلطانز کی جانب سے کسی بھی کھلاڑی کو برقرار نہیں رکھا گیا۔
