پشاور میں پرسنلائزڈ نمبر پلیٹس کی نیلامی میں سب سے زیادہ بولی “وزیر 1” نمبر پلیٹ پر لگائی گئی۔
پشاور کے نشتر ہال میں خیبر پختونخوا حکومت کے زیراہتمام پرسنلائزڈ نمبر پلیٹس کی نیلامی منعقد کی گئی۔ جس میں کروڑوں روپے مالیت کی نمبر پلیٹس فروخت ہوئیں۔ نیلامی کا انعقاد محکمہ ایکسائز اینڈ ٹیکسیشن کی جانب سے چوائس نمبر پلیٹس کی الاٹمنٹ کے لیے کیا گیا۔
نیلامی میں اب تک سب سے زیادہ بولی ’’وزیر 1‘‘ نمبر پلیٹ پر لگائی گئی۔ جو ایک کروڑ 50 لاکھ روپے میں فروخت ہوئی۔ دوسری سب سے زیادہ بولی ’’آفریدی 1‘‘ نمبر پلیٹ پر دی گئی۔ جسے پشاور زلمی کے مالک جاوید آفریدی نے ایک کروڑ 40 لاکھ 50 ہزار روپے میں خرید لیا۔
نیلام شدہ نمبر پلیٹس میں تیسری سب سے زیادہ بولی بانی پی ٹی آئی کے نام سے مشابہت رکھنے والی ’’خان 1‘‘ نمبر پلیٹ پر لگی۔ جسے وزیرستان سے پاکستان تحریک انصاف کے رکن صوبائی اسمبلی نیک محمد خان نے ایک کروڑ 11 لاکھ روپے میں خریدا۔
پشاور میں گاڑیوں کے من پسند نمبر پلیٹس کی نیلامی، سب سے زیادہ بولی “وزیر-1” کی 1 کروڑ 50 لاکھ روپے لگی
آفریدی-1 کی 1 کروڑ 40 لاکھ 50 ہزار بولی
خان-1 کی 1 کروڑ 11 لاکھ بولی
پشاور-1 کی 1 کروڑ بولی
درانی-1 کی 16 لاکھ 60 ہزار بولی
گنڈاپور-1 کی 10 لاکھ 80 ہزار بولی
سب نمبر پلیٹس… pic.twitter.com/O8H5Ns14be
— Kamran Ali (@akamran111) January 27, 2026
محکمہ ایکسائز کے مطابق 804 نمبر پلیٹ کو نیلامی سے نکال دیا گیا ہے، جبکہ زرداری، شریف اور قومی کرکٹرز کے نام سے منسوب نمبر پلیٹس آئندہ مرحلے کی بولی میں پیش کی جائیں گی۔
