افغانستان میں شدید بارش اور برفباری نے تباہی مچا دی ، چتھیں گرنے اور دیگر واقعات میں 61 افراد جاں بحق اور100 سے زائد زخمی ہو گئے۔
خبر ایجنسی کے مطابق افغان صوبے پروان، وردک، جنوبی قندھار، شمالی جوزجان ، فاریاب اور وسطی بامیان سمیت دیگر علاقوں میں بدھ سے جاری بارش اور برفباری کے نتیجے میں 450 سے زائد مکانات مکمل یا جزوی طور پر تباہ ہوئے ہیں۔
خیبر پختونخوا ، بارش اور برفباری کے دوران حادثات میں 9 افراد جاں بحق ہوئے ، پی ڈی ایم اے
افغانستان کی نیشنل ڈیزاسٹر مینجمنٹ اتھارٹی نے بتایا کہ شدید برفباری اور برفانی تودے گرنے کے خدشات کے باعث اہم شاہراہیں اور بین الصوبائی سڑکیں بند ہو چکی ہیں، لائیو اسٹاک کا بھی نقصان ہوا ہے۔
محکمہ موسمیات کا کہنا ہےکہ رواں ہفتے افغانستان کے مختلف حصوں میں مزید برفباری کا امکان ہے۔
