نیویارک: گوگل نے اپنے مقبول ویب براؤزر کروم کے لیے ایک انتہائی اہم سیکیورٹی اپ ڈیٹ جاری کرتے ہوئے صارفین کو ہدایت کی ہے کہ وہ فوری طور پر براؤزر کو اپ ڈیٹ کر لیں۔ تاکہ حال ہی میں سامنے آنے والی سیکیورٹی کمزوریوں سے محفوظ رہ سکیں۔
غیر ملکی خبر رساں ایجنسی کے مطابق گوگل نے کہا ہے کہ اس نئی اپ ڈیٹ میں کروم براؤزر میں موجود متعدد سیکیورٹی خامیوں کو فکس کیا گیا ہے۔ جنہیں ہیکرز سائبر حملوں کے لیے استعمال کر سکتے تھے۔
کمپنی کی جانب سے جاری بیان میں کہا گیا کہ حالیہ کروم بلڈز میں کئی خطرناک کمزوریاں دریافت ہوئی تھیں۔ جنہیں دور کرنے کے لیے یہ اپ ڈیٹ جاری کی گئی ہے۔ تاہم سیکیورٹی وجوہات کے باعث گوگل نے ان خامیوں کی تفصیلات ظاہر نہیں کیں۔
گوگل نے تصدیق کی کہ ان میں سے کچھ سیکیورٹی کمزوریاں انتہائی سنگین نوعیت کی تھیں۔ اور اگر انہیں بروقت فکس نہ کیا جاتا تو صارفین کے ڈیٹا اور پرائیویسی کو شدید خطرات لاحق ہو سکتے تھے۔
واضح رہے کہ گوگل کروم دنیا کا سب سے زیادہ استعمال ہونے والا ویب براؤزر ہے۔ جس کے باعث اس میں موجود سیکیورٹی خامیاں بڑے پیمانے پر صارفین کو متاثر کر سکتی ہیں۔
یہ بھی پڑھیں: ایلون مسک نے سوشل میڈیا صارفین سے رائے مانگ لی
ماہرین نے صارفین کو مشورہ دیا ہے کہ وہ خودکار اپ ڈیٹس کو فعال رکھیں۔ اور تازہ ترین ورژن کا استعمال یقینی بنائیں۔
