میکسیکو میں تشدد کے بڑھتے واقعات اور ایک میئر کے سرعام قتل کے بعد ‘جنریشن زی’ کی جانب سے ملک بھر میں احتجاج کیے جا رہے ہیں۔
مختلف شہروں میں ہزاروں افراد سڑکوں پر نکل آئے، جبکہ دارالحکومت میکسیکو سٹی میں مظاہروں نے پرتشدد رخ اختیار کر لیا۔
رواں ماہ یکم نومبر کو ریاست مِچواکان کے شہر یوروآپان کے میئر کارلوس مانزو کو ‘ڈے آف دی ڈیڈ’ کی ایک تقریب کے دوران گولیاں مار کر قتل کر دیا گیا تھا، جس کے بعد ملک میں غم و غصہ بڑھ رہا ہے۔
Massive Anti-Corruption Protest 🇲🇽🚨
GenZ Protesting outside Mexico’s National Palace against President Claudia Sheinbaum cause he works for Cartel.
120+ have already been injured. They are Demanding Justice for Carlos Manzo’s killing; “Out, Morena!”#violence #Police #Fight pic.twitter.com/hd1iuVFL0Q
— Globally Pop (@GloballyPop) November 16, 2025
میکسیکو سٹی میں نقاب پوش مظاہرین نے نیشنل پیلس کے باہر لگی رکاوٹیں توڑ دیں جہاں صدر کلاڈیا شائن باؤ رہائش پذیر ہیں، جس کے نتیجے میں ہنگامہ آرائی ہوئی اور پولیس نے مظاہرین کو منتشر کرنے کے لیے آنسو گیس کا استعمال کیا۔
سٹی کے سیکریٹری برائے عوامی تحفظ پابلو وازکیز کے مطابق جھڑپوں میں 100 پولیس اہلکار زخمی ہوئے جن میں سے 40 کو اسپتال منتقل کرنا پڑا، جبکہ 20 شہری بھی زخمی ہوئے۔
حکام نے بتایا کہ 20 افراد کو گرفتار کیا گیا اور اتنی ہی تعداد کو انتظامی خلاف ورزیوں پر حراست میں لیا گیا۔
مُلک کے دوسرے شہروں میں بھی احتجاجی ریلیاں نکالی گئیں، خصوصاً مِچواکان میں جہاں میئر کے قتل نے عوامی غصے کو مزید بھڑکا دیا ہے۔
Clashes erupted between riot police and protesters in front of Mexico’s presidential palace.#Mexico #Corruption #Protest pic.twitter.com/PvoOMvDfAC
— Explainya (@explainyaa) November 16, 2025
میکسیکو سٹی میں مظاہرین نے حکمران جماعت مورینا کے خلاف شدید نعرے بازی کی اور ریاستی سطح پر جرائم روکنے کے مؤثر اقدامات کا مطالبہ کیا۔ شرکا نے “کارلوس نہیں مرا، حکومت نے اسے قتل کیا” جیسے نعرے بھی لگائے۔
“جنریشن زی میکسیکو” کے نام سے سامنے آنے والے ایک گروہ نے سوشل میڈیا پر گردش کرنے والے ایک منشور میں کہا ہے کہ یہ تحریک غیر سیاسی ہے اور میکسیکو کی نوجوان نسل کی نمائندگی کرتی ہے جو تشدد، بدعنوانی اور اختیارات کے غلط استعمال سے تنگ آ چکی ہے۔
دنیا کے مختلف ممالک میں بھی نوجوانوں کی تحریکیں سماجی اور سیاسی تبدیلی کے لیے “جنریشن زی” کی شناخت اپنا چکی ہیں۔
Hoy en Campeche entregamos Pensión Mujeres Bienestar; en Tabasco, tarjetas de la Beca Benito Juárez a estudiantes de preparatoria.
Además, supervisamos avances de la ampliación carretera Macuspana-Escárcega para comunicar la península de Yucatán. pic.twitter.com/XHOgzbw1nQ
— Claudia Sheinbaum Pardo (@Claudiashein) November 16, 2025
دوسری جانب شائن باؤ کی حکومت نے ان احتجاجات کے محرکات پر سوال اٹھاتے ہوئے کہا ہے کہ ان مظاہروں کو دائیں بازو کی سیاسی قوتوں نے منظم کیا ہے اور انہیں سوشل میڈیا پر بوٹس کے ذریعے فروغ دیا گیا۔
