میکسیکو کے مغربی صوبے میچوکان کے شہر اوروپن کے میئر کارلوس مانزو کو ایک تقریب کے دوران فائرنگ کرکے قتل کر دیا گیا ہے۔
واقعے کے بعد حکام نے بتایا کہ حملے میں ملوث 2 افراد کو گرفتار کر لیا گیا جبکہ ایک حملہ آور موقع پر ہی ہلاک ہو گیا۔
میچوکان صوبہ گزشتہ کئی سالوں سے طاقتور منشیات مافیا کی جانب سے زرعی علاقے میں کسانوں سے بھتہ وصول کرنے اور دیگر جرائم کی وجہ سے مسائل کا شکار رہا ہے۔
Fury in Mexico as the cartels murder Carlos Manzo, Mayor of Uruapan, the second-largest city in the State of Michoacán.
For months, the mayor had been recording livestreams, asking Mexican President Claudia Sheinbaum to help him fight the cartels in his city.
He had launched a… pic.twitter.com/r7GTFEMCCC
— Visegrád 24 (@visegrad24) November 2, 2025
مانزو پر فائرنگ ‘ڈے آف دی ڈیڈ’ کے موقع پر جاری تقریب کے دوران کی گئی۔
فائرنگ سے لوگوں میں خوف ہو ہراس پھیل گیا اور وہ ہجوم کی شکل میں بے اختیار تقریب چھوڑ کر بھاگ گئے۔
مقامی حکام نے واقعے کی تحقیقات کا آغاز کر دیا ہے اور کہا ہے کہ ذمہ دار عناصر کو جلد قانون کے کٹہرے میں لایا جائے گا۔
سپراسٹور میں دھماکہ
میئر کے قتل سے چند گھنٹے قبل شمالی میکسیکو کے شہر ہرموسیلو میں ایک سپرمارکیٹ میں ہونے والے ہولناک دھماکے کے نتیجے میں کم از کم 23 افراد ہلاک اور 11 زخمی ہوئے۔
مقامی حکام کے مطابق مرنے والوں میں بچے بھی شامل ہیں۔
🚨⚡️An explosion at a store in Mexico kills 22 people, including 4 children, and injures 12 others after a fire broke out at a “Waldo’s” branch in Hermosillo, Sonora. pic.twitter.com/Wexhe0R5yf
— RussiaNews 🇷🇺 (@mog_russEN) November 2, 2025
صوبہ سونورا کے گورنر الفونسو دورازو نے ایک ویڈیو پیغام میں بتایا کہ زخمیوں کو شہر کے مختلف اسپتالوں میں منتقل کر دیا گیا ہے اور تمام متاثرین کو فوری طبی امداد فراہم کی جا رہی ہے۔
گورنر کا کہنا تھا کہ دھماکے کی وجوہات جاننے اور ذمہ داروں کا تعین کرنے کے لیے ایک جامع اور شفاف تحقیقات کا حکم دے دیا گیا ہے۔
