معروف بالی ووڈ اداکار پرکاش راج نے ایک مرتبہ پھر حکمران جماعت بھارتیہ جنتا پارٹی (بی جے پی) اور انتہا پسند تنظیم آر ایس ایس کو آڑے ہاتھوں لے لیا۔
پرکاش راج نے سخت مؤقف اختیار کرتے ہوئے بھارتی والدین سے اپیل کی ہے کہ اپنے بچوں کو بی جے پی اور آر ایس ایس سے محفوظ رکھیں۔
اداکار نے سماجی رابطے کی ویب سائٹ ایکس پر مصنوعی ذہانت سے بنائی گئی ایک تصویر شیئر کی، جس میں ایک لڑکے اور لڑکی کو دکھایا گیا ہے جبکہ انکی ٹی شرٹس پر تحریر تھا، بیٹے کو آر ایس ایس سے بچائیں، بیٹی کو بی جے پی سے بچائیں۔
مزید پڑھیں :کھل نائیک کا کردار خاص طور پر سنجے دت کے لیے لکھا گیا تھا ، ڈائریکٹر
پرکاش راج نے اپنی پوسٹ کے ذریعے والدین کو خبردار کیا کہ وہ اپنے بچوں کو نفرت اور انتہا پسندی کو فروغ دینے والی سیاست سے دور رکھیں۔
If you love your country and your children.. 🙏🏿🙏🏿🙏🏿 #justasking https://t.co/FXnc1FsJP3
— Prakash Raj (@prakashraaj) October 20, 2025
رپورٹس کے مطابق اداکار نے یہ بیان اپنے ایک قریبی دوست کے مبینہ طور پر بی جے پی کے غنڈوں کے ہاتھوں قتل کے بعد دیا، پرکاش راج عرصہ دراز سے بی جے پی کی مذہبی منافرت پر مبنی سیاست کیخلاف آواز اٹھاتے رہے ہیں اور ہمیشہ انسانیت، امن اور رواداری کا پیغام دیتے ہیں۔
گزشتہ ماہ چینئی میں ہونے والے ایک بڑے فلسطین حامی جلسے میں بھی پرکاش راج نے طاقتور عالمی قوتوں اور خاموش رہنے والے رہنماؤں کو شدید تنقید کا نشانہ بنایا تھا۔
