شمال مشرقی آسٹریلیا میں اس وقت حیران کن صورتحال پیدا ہوگئی جب ایک مگرمچھ اچانک فائیو اسٹار ہوٹل کے سوئمنگ پول میں آن پہنچا۔
تاہم دلچسپ بات یہ رہی کہ مہمانوں کو جیسے خبر ہی نہ ہو، وہ پرسکون انداز میں پول کے کنارے دھوپ سینکتے رہے۔
یہ واقعہ شیریٹن گرینڈ میرَاج ریزورٹ، پورٹ ڈگلس میں پیش آیا، جس کی ویڈیو سوشل میڈیا پر وائرل ہو گئی۔
ویڈیو میں ایک کم عمر مگرمچھ کو پول کے اندر پانی کی تہہ میں آرام کرتے ہوئے دیکھا جا سکتا ہے۔
‘کسی کو پرواہ ہی نہیں’
ٹک ٹاک صارف لیزا کیلر نے ویڈیو شیئر کرتے ہوئے کہا کہ میں کسی کو خوفزدہ نہیں کرنا چاہتی، لیکن شیریٹن کے پول میں ایک مگرمچھ ہے۔
A baby crocodile has been snapped chilling out at the bottom of a pool at a luxury resort in Far North Queensland.
The video posted to TikTok shows the unexpected visitor making itself at home in the lagoon-style pool at the Sheraton Mirage in Port Douglas on Saturday afternoon.… pic.twitter.com/Pn3EpzcYgr
— 10 News Queensland (@10NewsQLD) October 19, 2025
ویڈیو میں دیکھا جا سکتا ہے کہ پول کے کنارے کئی سیاح آرام دہ کرسیوں پر بیٹھے سورج سے لطف اندوز ہو رہے ہیں، لیکن کوئی بھی پانی میں داخل نہیں ہو رہا۔ کیلر نے حیرت سے کہا کہ کسی ایک شخص کو بھی پرواہ نہیں۔
حفاظتی اقدامات اور بازیابی
ہوٹل کے منیجر جوزف امیرو کے مطابق، مگرمچھ کو ہفتے کی صبح دیکھا گیا، جس کے بعد پول کو فوری طور پر بند کر دیا گیا۔
انہوں نے کہا کہ مہمان اور مگرمچھ کبھی بھی ایک ہی وقت میں پول میں موجود نہیں تھے۔
بعدازاں، کوئنزلینڈ وائلڈ لائف افسران نے مگرمچھ کو محفوظ مقام پر منتقل کر دیا، اور علاقے میں احتیاطی انتباہی بورڈز بھی نصب کر دیے گئے۔
land where ‘tough’ is an understatement..
Australia is not for beginnersa thread
1. The absolute size of this cattle-eating crocodile caught in Australia. pic.twitter.com/D5OVjSumIZ
— Wolf of X (@tradingMaxiSL) September 13, 2024
واضح رہے کہ آسٹریلیا کے شمالی علاقوں میں اندازاً ایک لاکھ سے زائد نمکین اور میٹھے پانی کے مگرمچھ موجود ہیں، اور اکثر اوقات یہ آبادی کے قریب علاقوں میں بھی آ نکلتے ہیں، جس پر مقامی حکام کی جانب سے مسلسل نگرانی کی جاتی ہے۔
