سرکاری حج اسکیم کے تحت درخواستوں کی وصولی کا عمل مکمل ہو گیا جس کے بعد درخواستوں کی مزید وصولی کا کام ختم کر دیا گیا۔
وزارتِ مذہبی امور کے ترجمان کے مطابق ملک بھر سے 1 لاکھ 18 ہزار 60 حج درخواستیں موصول ہوئی ہیں، درخواستیں پہلے آئیے پہلے پائیے کی بنیاد پر وصول کی گئیں۔
وزارت مذہبی امور نے مصدقہ عمرہ کمپنیوں کی فہرست جاری کر دی
ترجمان نے مزید بتایا کہ وزارتِ مذہبی امور نے نصف حج اخراجات پہلی قسط کے طور پر وصول کیے، حج کے باقی اخراجات دوسری قسط میں وصول کیے جائیں گے۔
یاد رہے کہ حج واجبات کی دوسری قسط کی وصولی یکم نومبر سے شروع کی جائے گی۔
