پاکستان عوامی تحریک (پی اے ٹی) کے سربراہ ڈاکٹر طاہرالقادری نے پاکستانی سیاست سے علیحدگی کا اعلان کر دیا۔
لندن میں پریس کانفرنس کرتے ہوئے انہوں نے اپنے سیاسی مستقبل کے حوالے سے اظہار خیال کیا۔ انہوں نے اس موقع پر سیاست سے علیحدگی کا اعلان کرتے ہوئے کہا کہ میں نے اپنا فریضہ پورا کر دیا، اب میں مطمئن ہوں۔
ڈاکٹر طاہر القادری کا کہنا تھا کہ ‘میں نے 22 کروڑ عوام کو آوازیں دیں، صدائیں دیں۔ میں نے اپنے کارکن شہید کرائے، ہمارا خون بہا۔ اسلام آباد میں 75 دن ہر روز آواز دی کہ اگر آج نہیں اٹھو گے تو کبھی اٹھ نہیں سکو گے، دروازے بند ہوجائیں گے۔’
سیاست چھوڑی ہے، ماڈل ٹاؤن کے قاتلوں کا پیچھا نہیں چھوڑا،طاہر القادری
سربراہ پی اے ٹی نے مزید کہا کہ ‘میں نے اتنا بتا دیا، اب میرا ضمیر مطمئن ہے۔ اب میں سیاست پر کوئی بیان نہیں دینا چاہتا۔’
Dr Tahir Qadri announces retirement from politics, says he tried to bring revolution through Dherna but didn’t work out.
(That failed revolution was sponsored by Gen (r) Zaheer Islam and Gen (r) Raheel Shareef as part of London Plan). pic.twitter.com/J4fwrgSDXT
— Murtaza Ali Shah (@MurtazaViews) August 8, 2023
خیال رہے کہ 4 سال قبل بھی پاکستان عوامی تحریک کے بانی رہنما علامہ طاہر القادری نے سیاست چھوڑنے کا اعلان کیا تھا۔ انہوں نے کہا تھا کہ یہ اعلان صحت سے جڑے مسائل اور تدریسی مصروفیات کی وجہ سے کیا ہے۔
