پاکستان کی قومی ہاکی ٹیم ایشین ہاکی چیمپین شپ ٹرافی ٹورنامنٹ میں شرکت کریگی جو 3 اگست سے 12 اگست تک بھارت کے شہر چنائی میں کھیلا جائے گا۔
جنگ اخبار کی رپورٹ کے مطابق پاکستان اور بھارت کی ٹیمیں تقریبا 12 سال بعد بھارت میں ایک دوسرے کے مد مقابل ہونگی ۔
ورلڈ کپ اور ایشیا کپ کا معاملہ، بھارتی بورڈ کی نئی منصوبہ بندی سامنے آگئی
پاکستان ہاکی فیڈریشن کے سیکرٹری حیدر علی نے بات چیت کرتے ہوئے کہا کہ اس چیمپئن شپ میں تمام ہاکی کھیلنے والے ممالک کو لازمی طور پر شرکت کرنا ہوتی ہے کیونکہ اس میں شرکت کرنیوالی ٹیم ہی اولمپک کیلئے کوالیفائی کر سکتی ہے۔
۔بھارت سمیت کئی ممالک کی ٹیمیں بھی شریک ہونگی ،چیمپئن شپ میں شرکت کیلئے پاکستان ہاکی فیڈریشن کو تقریبا4کروڑ روپے چاہئیں جس کیلئے میں کوشش کر رہاہوں۔
بھارت جاکر ورلڈ کپ کھیلنے کا معاملہ، جس خبر کا انتظار تھا وہ آگئی
پاکستان سپورٹس بورڈ اور وفاقی حکومت سمیت سندھ حکومت سے بھی میں نے درخوست کی ہے کہ ہمیں فنڈز دئیے جائیں تاکہ ہم اس چیمپئن شپ میں شرکت کر سکیں ۔
انہوں نے بتایا کہ اگلے ماہ اسلام آباد لاہور اور کراچی میں بزنس کمیونٹی کے حوالے سے ایک سیمینار بھی کرا رہاہوں تاکہ فنڈز میسر ہو سکیں ۔
