آرمی چیف جنرل قمر جاوید باجوہ نے کہا ہے کہ پاک فوج داخلی سالمیت و ملکی سلامتی کیلئے کسی بھی خطرے سے نمٹنے کیلئے تیار ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمرجاوید باجوہ نے بہاولپورکا دورہ کیا جہاں کور کمانڈر بہاولپور لیفٹیننٹ جنرل خالد ضیا نے آرمی چیف کا استقبال کیا۔
آئی ایس پی آر کے مطابق آرمی چیف نے خیر پور ٹامے والی اور اسرانی میں تربیتی مشقیں دیکھیں اور میکنائزڈ دستوں کی جنگی مشقوں کا مشاہدہ کیا۔
آئی ایس پی آر کے مطابق آرمی چیف نے فارمیشنز کی آپریشنل تیاریوں کو سراہتے ہوئے کہا کہ دشمن کے ناپاک عزائم کو شکست دینے کیلئے خطرات اور چیلنجز سے نمٹنے کی تربیت ضروری ہے۔
