لندن: برطانیہ کے رکن پارلیمنٹ رچرڈ برگن نے اسرائیل پر پابندیاں عائد کرنے اور فلسطین کو بحیثیت ریاست تسلیم کرنیکا مطالبہ کردیا ہے۔
اولڈ ٹریفورڈ اسٹیڈیم: فلسطین کا جھنڈا فٹبالر پول پوگبا نے لہرا دیا
Today in Parliament, I called on the Government to impose sanctions on Israel as part of the international pressure needed to force the Government of Israel to end its war on the Palestinian people. pic.twitter.com/YjLdyWECne
— Richard Burgon MP (@RichardBurgon) May 19, 2021
لیڈز سے تعلق رکھنے والے رکن پارلیمنٹ رچرڈ برگن نے برطانوی حکومت سے اسرائیل پر فوری طور پہ پابندیاں عائد کرنے کا مطالبہ کیا ہے۔
لندن: خاتون پولیس افسر کے دوران ڈیوٹی فلسطین کے حق میں نعرے
انہوں نے برطانوی پارلیمنٹ میں وزیراعظم سے مطالبہ کیا کہ برطانیہ اسرائیل پر بین الاقوامی دباؤ بڑھا کر فلسطین میں جنگ بندی کرانے میں کردار ادا کرے۔
رچرڈ برگن نے پارلیمنٹ میں تقریر کرتے ہوئے استفسار کیا کہ فلسطین کے مزید کتنے بچوں کو مرنا ہوگا؟ انہوں نے یہ بھی پوچھا کہ مزید کتنے گھر، اسکول اور اسپتال تباہ ہوں گے جب برطانوی حکومت کسی قسم کا کوئی ایکشن لے گی؟
غزہ: اسرائیلی بمباری سے 52 ہزار فلسطینی بے گھر ہوئے ہیں، اقوام متحدہ
برطانوی رکن پارلیمنٹ نے کہا کہ اب وقت آ گیا ہے کہ برطانیہ اسرائیل کو ہتھیار فروخت کرنے کا سلسلہ بند کرے۔ انہوں نے کہا کہ ضرورت اس امر کی ہے کہ اسرائیلی حکومت پر پابندیاں عائد کی جائیں کیونکہ اسرائیل مسلسل بین الاقوامی قوانین کی خلاف ورزیاں کر رہا ہے۔
رچرڈ برگن نے برطانوی ایوان کو یاد کرایا کہ پارلیمنٹ میں 2014 میں فلسطین کو ریاست تسلیم کرنے کے لیے ووٹ دیا گیا تھا۔
اسرائیل کو اپنا تکبر و غرور خاک میں ملانے والے کمانڈر کی تلاش
برطانوی رکن پارلیمنٹ نے کہا کہ فلسطین کو بطور ریاست تسلیم کرنا اس کا حق ہے لہذا فوری طور پر فلسطین کو بطور ریاست تسلیم کرنے کا اعلان کیا جائے۔
