راولپنڈی: پاک فوج کے ترجمان میجر جنرل آصف غفور نے پاکستان سپرلیگ4 کا فائنل کھیلنے والی ٹیموں کیلئے نیک خواہشات کا اظہار کیا ہے۔
ڈی جی آئی ایس پی آر نے سماجی رابطے کی ویب سائٹ پر ٹویٹ کیا کہ روشنیوں کا شہر کراچی اور پاکستان زندہ باد۔
Promo#3
Good luck to teams playing PSL Final…..
عروس البلاد۔۔۔۔پاکستان زندہ باد
City of Lights…..Pakistan Zindabad#PSLFinal #PakDayParade2019 #PakistanZindabad pic.twitter.com/Mmuynup9ET— DG ISPR (@OfficialDGISPR) March 17, 2019
میجر جنرل آصف غفور نے پاکستان ڈے کے حوالے سے تیار کیے گئے نغمے کا تیسرا پرومو بھی ٹوئٹر پر شیئرکیا۔ پروموں میں شاہد خان آفریدی، کوئٹہ گلیڈی ایٹرز کے کپتان سرفراز احمد اور پشاور زلمی کے کپتان ڈیرن سیمی سمیت دیگر ملکی اور غیر ملکی افراد نے پاکستان کیلئے نیک تمناؤں کا اظہار کیا اور پاکستان زندہ باد کا نعرہ لگایا۔
پاکستان سپرلیگ کا فائنل آج نیشنل اسٹیڈیم کراچی میں کوئٹہ گلیڈی ایٹرز اور پشاور زلمی کے درمیان کھیلا جائے گا۔
دونوں ٹیموں کے درمیان فائنل میچ سے قبل اختتامی تقریب شام 6 بجے ہی شروع ہوگی۔ تقریب کیلئے 68 فٹ لمبا اسٹیج تیار کیا گیا ہے، تقریب میں معروف فنکار اپنے فن کا مظاہرہ کریں گے۔