لاہور :ضلعی انتظامیہ لاہور نے پاکستان سُپر لیگ 4کے میچز دکھانے کے لیے شہر کے 5 مختلف پارکس میں بڑی اسکرینیں نصب کردی ہیں۔
پی ایس ایل4 کے میچز دکھانے کےلیے لاہور کے جن پارکس میں بڑی اسکرینیں نصب کی گئی ہیں ان میں گریٹر اقبال پارک، گلشن اقبال پارک ،بٹر فلائی پارک، جیلانی پارک اور جوہر ٹاؤن پارک میاں پلازہ شامل ہیں۔ تمام اسسٹنٹ کمشنرز کو انتظامات کرنے کے احکامات دے دیے گئے ہیں۔ جہاں جہاں سکرینیں نصب کی گئی ہیں وہاں ضلعی حکومت کے ملازمین ڈیوٹیاں دے رہے ہیں.
PSL comes to Lahore again!
For the first time our team, Lahore Qalandars will be playing in our own city. These matches will not be limited to Qaddafi Stadium.The entire city will be involved and all of us will celebrate together. pic.twitter.com/ygHBJy6dIc
— Deputy Commissioner Lahore (@DCLahore) February 13, 2019
ڈپٹی کمشنر لاہور صالحہ سعید کا کہنا ہے کہ صرف لاہور قلند ر کے میچوں والے دن بڑی اسکرینیں لگائی جائیں گی۔
پی ایس ایل سیزن فورکے ایونٹ میں مجموعی طور پر 34 میچز کھیلے جائیں گے۔ پی ایس ایل کا افتتاحی میچ، افتتاحی تقریب کے بعد لاہورقلندرز اور دفاعی چیمپئن اسلام آباد یونائیٹڈ کے درمیان کھیلا جائے گا۔
دونوں ٹیموں میں کئی تبدیلیاں دکھائی دیں گی لیکن ان کے عزائم جیتنے والے ہوں گے جس کی وجہ سے ایک سخت اورکانٹے دار مقابلے کی توقع کی جارہی ہے۔
ہم نیوز کے مطابق اسلام آباد یونائیٹڈ کو اس مرتبہ ماضی کی نسبت زیادہ بڑے ناموں کی کارکردگی سے فیضیاب ہونے کا موقع میسر نہیں آئے گا جس کی وجہ سے وہ فہیم اشرف، حسین طلعت، آصف علی اور شاداب خان پر انحصارکرے گی۔
شیڈول کے مطابق 26 میچز دبئی، ابوظہبی اور شارجہ میں ہوں گے جب کہ فائنل سمیت پانچ میچز کراچی کے نیشنل اسٹیڈیم اور تین میچز لاہور کے قذافی اسٹیڈیم میں کھیلے جائیں گے۔
