ایرانی صدر مسعود پزشکیان نے کہا ہے کہ ایک کروڑ 40 لاکھ سے زائد قابل فخر ایرانی وطن کے دفاع میں رضاکارانہ طورپر جانیں قربان کرنے کے لیے تیار ہونے کا اعلان کر چکے ہیں۔
ایکس پر ٹویٹ کرتے ہوئے ایرانی صدر نے کہا کہ میں خود بھی ایران کے لیے قربانی دینے والوں میں شامل ہوں اور رہوں گا۔
واضح رہے کہ ایران نے عارضی جنگ بندی مسترد کرتے ہوئے اپنے مطالبات پیش کر دیئے ہیں، ایران نے تنازع کا مستقل خاتمہ، پابندیوں کا خاتمہ اور اسرائيل و امریکی حملوں سے ہوئے نقصانات کا ازالہ کرنے کا مطالبہ کیا ہے۔
واضح رہے ایران نے امریکی تجاویز پر اپنا ردعمل پاکستان کو بھجوا دیا ہے ، سینئر ایرانی عہدیدار نے پاکستان کی جانب سے جنگ بندی کی تجویز موصول ہونے کی تصدیق بھی کی ہے۔
