لبنان میں اسرائیلی فضائی حملے کے نتیجے میں چار ایرانی سفارتکار جاں بحق ہو گئے ہیں۔
ایرانی میڈیا کے مطابق یہ حملہ لبنان کے ایک حساس علاقے میں ہوا، جس کے فوری بعد سیکیورٹی اہلکاروں نے علاقے کو سیل کر کے تحقیقات شروع کر دی ہیں۔
ایرانی حکام نے اس واقعے کی شدید مذمت کی ہے اورعالمی برادری سے مطالبہ کیا ہے کہ وہ اسرائیل کی جارحیت کو روکنے کے لیے فوری اقدامات کرے۔
ایران کا امریکا سے مذاکرات سے انکار، میزائل حملے جاری رکھنے کا اعلان
ایران نے اس حملے کو سفارتی عملے کے خلاف خطرناک اقدام قرار دیا ہے اور کہا ہے کہ متاثرہ سفارتکاروں کے اہل خانہ کو انصاف فراہم کیا جائے۔
لبنان میں اس حملے کے بعد سیکیورٹی سخت کر دی گئی ہے اور مقامی حکام حملے کے حوالے سے تمام ممکنہ پہلوؤں کی تحقیقات کر رہے ہیں۔
عالمی سطح پر بھی اس واقعے پر تشویش کا اظہار کیا گیا ہے، جبکہ خطے کی سیاسی کشیدگی میں مزید اضافہ ہونے کا خدشہ ظاہر کیا جا رہا ہے۔
