سرینگر: مقبوضہ جموں و کشمیر کے ضلع ڈوڈہ میں بھارتی فوج کی گاڑی پر حملے میں 10 اہلکار ہلاک جبکہ 7 زخمی ہو گئے۔
ذرائع کے مطابق بھارتی فوج نے گاڑی پر حملے کو “حادثہ” قرار دے دیا ہے۔ تاہم مقامی آبادی نے دعویٰ کیا ہے کہ فوجی گاڑی کو حریت پسندوں کے حملے میں نشانہ بنایا گیا ہے۔
بھارتی سرکاری ذرائع کے مطابق یہ واقعہ اس وقت پیش آیا جب بھارتی فوج کے اہلکاروں کو لے جانے والی ایک گاڑی بھدرواہ چمبا بین الصوبائی شاہراہ پر سفر کر رہی تھی۔
فوجی گاڑی میں مجموعی طور پر 17 اہلکار سوار تھے۔ جو کھنی ٹاپ کے مقام پر ایک بلند اور دشوار گزار پہاڑی علاقے کی جانب جا رہے تھے۔ دوران سفر گاڑی پھسل کر بے قابو ہو گئی اور تقریباً 200 فٹ گہری کھائی میں جا گری۔
دوسری جانب مقامی باشندوں کا کہنا ہے کہ حادثے سے قبل فوجی گاڑی پر حریت پسندوں کی جانب سے حملہ کیا گیا۔ جس کے نتیجے میں یہ واقعہ پیش آیا۔ تاہم بھارتی فوج کی جانب سے اس مؤقف کی تردید کی جا رہی ہے۔
واقعے کے فوراً بعد بھارتی فوج اور پولیس نے مشترکہ طور پر ریسکیو آپریشن شروع کیا۔ حکام کے مطابق جائے وقوعہ پر پہنچنے پر 10 فوجی اہلکاروں کی ہلاکت کی تصدیق کی گئی۔ جبکہ 7 زخمی اہلکاروں کو فوری طور پر نکال لیا گیا۔
#WATCH | Doda, J&K | Rescue efforts underway after an army vehicle meets with an accident at Khani Top area of Bhaderwah, resulting in injuries to Army personnel.
The injured personnel were provided first aid at the site and were later airlifted to Udhampur for specialised… https://t.co/9xdUAss5st pic.twitter.com/ALWHb3Ar2j
— ANI (@ANI) January 22, 2026
زخمی ہونے والے فوجیوں میں سے 3 کی حالت تشویشناک بتائی جا رہی ہے۔ جنہیں ایئر لفٹ کے ذریعے اودھم پور کے فوجی اسپتال منتقل کر دیا گیا۔ جہاں انہیں خصوصی طبی امداد فراہم کی جا رہی ہے۔
یہ بھی پڑھیں: امریکی صدر نے غزہ بورڈ آف پیس کے مسودے پر دستخط کر دیئے
حکام کا کہنا ہے کہ واقعے کی وجوہات جاننے کے لیے تحقیقات جاری ہیں۔ جبکہ خراب موسم اور دشوار گزار راستوں کو حادثے کی ممکنہ وجہ قرار دیا جا رہا ہے۔ تاہم مقامی افراد کے دعووں کے بعد واقعے کے اصل محرکات پر سوالات بھی اٹھائے جا رہے ہیں۔
