سیکیورٹی فورسز نے بلوچستان کے ضلع قلات میں خفیہ اطلاعات پر آپریشن کیا،شدید فائرنگ کے تبادلے میں 4بھارتی حمایت یافتہ دہشتگرد ہلاک ہوگئے ۔
آئی ایس پی آرکے مطابق ہلاک دہشتگردوں سے اسلحہ ،گولہ باردو اور دھماکہ خیز مواد برآمد ہوا،ہلاک دہشتگرد متعد دہشتگردی کی کارروائیوں میں ملوث تھے۔
علاقے میں ممکنہ دہشتگردوں کے خاتمے کیلئے کلیئرنس آپریشن جاری ہے ، سیکیورٹی فورسز ملک سے دہشتگردی کے خاتمے کیلئے پرعزم ہیں۔
وزیراعظم شہبازشریف نے قلات میں کامیاب کارروائی پر سیکیورٹی فورسز کی تعریف کی ، وزیراعظم نےفتنہ الہندوستان کے 4دہشتگردوں کو ہلاک کرنےپر سیکیورٹی فورسز کو سراہا۔
ڈی آئی خان میں خفیہ اطلاع پر آپریشن،انتہائی مطلوب خارجی کمانڈرمارا گیا
اپنے ایک بیان میں انہوں نے کہا کہ سیکیورٹی فورسز دہشتگردی کیخلاف بڑی کامیابیاں حاصل کررہی ہیں،پوری قوم دہشتگردی کیخلاف اس جنگ میں افواج کیساتھ کھڑی ہے،ملک کو ہر قسم کی دہشتگردی سے پاک کریں گے۔
وزیرداخلہ محسن نقوی نے بھی قلات میں کامیاب کارروائی پر سیکیورٹی فورسز کو خراج تحسین پیش کیا، انہوں نے کہا کہ بلوچستان میں فتنہ الخوارج کے خاتمے کیلئے سیکیورٹی فورسز پرعزم ہیں۔
سیکیورٹی فورسز کے بہادر جوانوں نے 4 خوارج کو عبرتناک انجام تک پہنچایا،سیکیورٹی فورسز کی قلات میں بروقت اور مؤثر کارروائی قابلِ ستائش ہے،بلوچستان میں امن و استحکام کیلئےسیکیورٹی فورسز کا کردار ناقابلِ فراموش ہے۔
