بالی ووڈ کے معروف اداکار سلمان خان اپنی 60 ویں سالگرہ کے کاؤنٹ ڈاؤن میں داخل ہو چکے ہیں اور اس موقع پر ان کی تازہ تصاویر نے سوشل میڈیا پر دھوم مچا دی ہے۔
سلمان خان نے حال ہی میں اپنے انسٹاگرام پر تصاویر شیئر کیں، جن میں اداکار سیاہ بنیان اور نیلے شارٹس میں نظر آ رہے ہیں، جہاں ان کے مضبوط بازو اور فِٹنس واضح طور پر دیکھی جا سکتی ہے۔
والد بننے کے بعد ڈایپر بدلنے میں اداکاری کے مقابلے میں زیادہ ماہر ہو گیا ہوں، وکی کوشل
اداکار نے تصاویر کے ساتھ مزاحیہ انداز میں کیپشن دیا کہ وہ امید کرتے ہیں 60 برس کی عمر میں بھی وہ ایسے ہی دکھائی دیں گے، جب کہ ان کی سالگرہ میں صرف چند دن باقی ہیں۔
View this post on Instagram
سلمان خان کی تصاویر سامنے آتے ہی مداحوں کی جانب سے تعریفوں کا سلسلہ شروع ہو گیا، کئی صارفین نے حیرت کا اظہار کرتے ہوئے کہا کہ اداکار کی عمر 60 کے قریب ہونے کے باوجود وہ نوجوانوں کو بھی پیچھے چھوڑ رہے ہیں، جب کہ بعض نے انہیں فِٹنس کے حوالے سے ایک مثال قرار دیا۔
نوجوان مسلم اسکالر شمائل ندوی نے اسلام مخالف جاوید اختر کو لاجواب کردیا
واضح رہے کہ سلمان خان ان چند بڑے اداکاروں میں شامل ہیں جو اس سال 60 برس کے ہو رہے ہیں۔ شوبز حلقوں میں یہ بھی قیاس آرائیاں کی جا رہی ہیں کہ اداکار کی سالگرہ کے موقع پر ان کے آئندہ فلمی منصوبے سے متعلق کوئی اہم اعلان یا فلم ٹیزر بھی سامنے آ سکتا ہے، جس نے مداحوں کے جوش و خروش کو مزید بڑھا دیا ہے۔
