لاہور: وزیر اطلاعات پنجاب عظمیٰ بخاری نے کہا ہے کہ سہیل آفریدی اپنے لیڈر کی طرح عادتاً جھوٹ بولتے ہیں۔
وزیر اطلاعات پنجاب عظمیٰ بخاری نے وزیر اعلیٰ خیبر پختونخوا سہیل آفریدی کے بیان پر کہا کہ مریم نواز نے کسی ایسے شہر میں ترقیاتی منصوبے کا افتتاح نہیں کیا جہاں ضمنی انتخاب ہو رہے ہوں۔
انہوں نے کہا کہ سہیل آفریدی الیکشن کمیشن سے ملنے والے نوٹس کو کور کرنے کے لیے وزیر اعلیٰ پنجاب مریم نواز پر الزام لگا رہے۔ سہیل آفریدی اپنے لیڈر کی طرح عادتا ًجھوٹ بولتے ہیں۔
عظمیٰ بخاری نے کہا کہ سہیل آفریدی سرکاری افسران کو کل کا سورج نہ دیکھنے کی دھمکیاں لگاتے ہیں۔ جبکہ وہ خود شہر ناز کی انتخابی مہم چلانے پہنچے تھے۔
یہ بھی پڑھیں: اسپیشل برانچ کو علیحدہ یونٹ بنانے کی منظوری ، وسائل ترجیحی بنیادوں پر فراہم کرینگے ، سہیل آفریدی
انہوں نے کہا کہ مریم نواز نے کسی لیگی امیدوار کی انتخابی مہم نہیں چلائی۔ اور مریم نواز کی خدمت کے 90 سے زیادہ منصوبے کسی ضمنی الیکشن کے محتاج نہیں۔ پنجاب کے عوام ن لیگ کے امیدواروں کو ووٹ دیتے ہیں۔
