پاکستان کرکٹ ٹیم کے سابق فاسٹ باؤلر سرفراز نواز نے سوانح عمری میں اہم انکشافات کرنے کا اعلان کیا ہے۔
سوشل میڈیا پلیٹ فارم فیس بک پر ایک ویڈیو بیان میں سابق کرکٹر کا کہنا تھا کہ میچ فکسنگ سمیت کرکٹ کی دنیا میں چونکا دینے والے انکشافات کرنے جا رہا ہوں۔
سرفراز نواز نے مزید کہا کہ وہ سچائیاں جو سایوں میں دھکیل دی گئی تھیں، منظرِ عام پر آ رہی ہیں۔ یہ وہ لمحہ ہے جب میں وہ سب کچھ کہہ رہا ہوں جسے دوسروں نے کہنے کی ہمت نہیں کی۔
ایشز سیریز کا پہلا ٹیسٹ دو روز میں ختم ہونے سے کرکٹ آسٹریلیا کو کروڑوں کا نقصان
ان کا کہنا تھا کہ اس خفیہ دنیا سے پردہ اٹھا رہا ہوں جسے جوا مافیا نے طویل عرصے سے چھپا رکھا تھا، اکیلا کھڑا رہا اُن لوگوں کے خلاف جو خاموشی سے کھیلوں کو اپنے مفاد کے لیے موڑتے رہے۔
واضح رہے کہ سرفراز نواز نے 55 ٹیسٹ اور 45 ایک روزہ میچز میں پاکستان کی نمائندگی کی ہے۔
