اسلام آباد: انسداد دہشت گردی عدالت نے مسلسل عدم پیشی پر علیمہ خان اور عظمیٰ خان کو گرفتار کرکے پیش کرنے کا حکم دے دیا۔
انسداددہشتگردی عدالت اسلام آباد میں پاکستان تحریک انصاف (پی ٹی آئی) رہنماؤں و دیگر کے خلاف 4 اکتوبر احتجاج کیس کی سماعت ہوئی۔ عدالت نے بانی پی ٹی آئی عمران خان کی بہنوں علیمہ خان اور عظمیٰ خان کے وارنٹ گرفتاری جاری کیے۔
انسداددہشت گردی عدالت کے جج طاہر عباس سپرا نے مسلسل عدم پیشی پر علیمہ خان اور عظمیٰ خان کے وارنٹ گرفتاری جاری کیے۔ عدالت نے کیس کی مزید سماعت 22 نومبر تک ملتوی کردی۔
یہ بھی پڑھیں: گورنر پنجاب کا موجودہ حکومت میں بہت ساری چیزیں بہتر ہونے کا اعتراف
واضح رہے کہ 4 اکتوبر احتجاج کیس میں علیمہ خان اور عظمیٰ خان کے خلاف تھانہ کوہسار میں مقدمہ درج ہے۔
