بھارت کے عالمی شہرت یافتہ سابق کرکٹر اور سابق کپتان محمد اظہرالدین (muhammad azhar ud din)نے سیاست کے میدان میں اپنی نئی اننگ کا شاندار آغاز کر دیا۔ کھیل کے میدان میں چوکوں چھکوں کی برسات کرنے والے اظہرالدین اب تلنگانہ کی ریاستی کابینہ میں بطور وزیر شامل ہو گئے ہیں۔
Congress leader and former Cricketer Mohammad Azharuddin takes oath as Minister at Raj Bhavan. Governor Jishnu Dev Verma administers the oath to him.
Congratulations @azharflickspic.twitter.com/VcM10YjxMW
— Ravinder Kapur. (@RavinderKapur2) October 31, 2025
کانگریس سے وابستہ محمد اظہرالدین ریاستی اسمبلی کے رکن بھی ہیں اور پارٹی قیادت نے ان کی کارکردگی اور عوامی مقبولیت کو دیکھتے ہوئے انہیں کابینہ میں شامل کرلیا۔ اظہرالدین نے ’’اللہ کے نام پر حلف‘‘ اٹھایا اور تقریب کے اختتام پر’’جے تلنگانہ اور جے ہند‘‘ کے نعرے لگائے۔
کھیلنے کی حامی بھری تو ہاتھ ملانے سے انکار مناسب نہیں،محمد اظہر الدین
ذرائع کے مطابق، محمد اظہرالدین کواقلیتی امور یا اقلیتی بہبود کا قلمدان دئیے جانے کا قوی امکان ہے۔ وہ وزیراعلیٰ اے ریونت ریڈی کی کابینہ میں شامل ہونے والے پہلے مسلمان وزیر ہیں۔ حلف برداری کی تقریب میں ان کے بیٹے اسد الدین اظہر بھی شریک تھے، جو حال ہی میں تلنگانہ پردیش کانگریس کمیٹی کے جنرل سیکریٹری مقرر ہوئے ہیں۔
Honoured and humbled to be sworn in today as a Cabinet Minister in the Telangana Government by Shri Jishnu Dev Verma Garu, Hon’ble Governor of Telangana.
My heartfelt gratitude to Shri Mallikarjun Kharge Ji, Smt Sonia Gandhi Ji, Shri Rahul Gandhi Ji, Smt Priyanka Gandhi Ji, and… pic.twitter.com/xXPNnlLbbG
— Mohammed Azharuddin (@azharflicks) October 31, 2025
اظہرالدین کی کابینہ میں شمولیت پر بی جے پی نے سخت ردعمل ظاہر کرتے ہوئے اس اقدام کوانتخابی خوشامدانہ سیاست قرار دیا ہے۔ تلنگانہ میں بی جے پی کے صدر رام چندر راؤ کا کہنا ہے کہ یہ فیصلہ جوبلی ہلز کے مسلم ووٹروں کو لبھانے کی کوشش ہے، جہاں جلد ضمنی الیکشن ہونے جا رہے ہیں۔
بی جے پی نے اس معاملے پر چیف الیکشن آفیسر کو باضابطہ شکایت بھی درج کرا دی ہے۔ تاہم محمد اظہرالدین نے تمام الزامات کو مسترد کرتے ہوئے کہا کہ ان کی تقرری کاکسی ضمنی انتخاب سے کوئی تعلق نہیں۔
بھارت: سابق کرکٹر اظہر الدین کی گاڑی کو حادثہ، بال بال بچ گئے
ان کا کہنا تھا’’میں نے ہمیشہ ملک کی خدمت ایمانداری سے کی ہے، مجھے کسی کو اپنی حب الوطنی کے ثبوت دینے کی ضرورت نہیں۔‘‘
محمد اظہرالدین کی سیاست میں یہ اننگ بھی شاندار انداز میں شروع ہوئی ہے، اور سیاسی حلقے اس پیشرفت کو کانگریس کی بڑی حکمتِ عملی قرار دے رہے ہیں۔
