وزیر دفاع خواجہ آصف نے واضح کیا ہے کہ بھارت کابل میں افغان طالبان کی پشت پناہی کر رہا ہے۔
عرب ٹی وی کو انٹرویو میں خواجہ آصف نے کہا کہ طالبان بھارت کی پراکسی بنے ہوئے ہیں اور بھارت افغان سرزمین سے پاکستان کیخلاف کم شدت کی جنگ چھیڑ رہا ہے۔
افغان طالبان اپنے انجام کا حساب رکھیں ، پاکستان کو آزمانا بہت مہنگا ثابت ہو گا ، وزیر دفاع
خواجہ آصف کا کہنا تھا کہ بھارت اور افغان طالبان کے درمیان گہرے روابط ہیں ، اس حوالے سے ہمارے پاس شواہد موجود ہیں۔ جب طالبان کے ایک وزیر بھارت میں تھے اس وقت پاکستان اور افغانستان میں جھڑپیں ہوئیں۔
View this post on Instagram
وزیر دفاع نے کہا کہ پاکستان نے افغان جارحیت کا سخت جواب دیا اور آئندہ بھی ایسی کسی بھی کارروائی پر بھرپور ردعمل دیا جائے گا۔
انہوں نے مزید بتایا کہ چند ماہ قبل بھارت کو جنگ میں شکست سے دو چار کیا، جنگ میں بھارت کے 7 طیارے مار گرائے ، اس بات کا ذکر امریکی صدر بھی کئی بار کر چکے ہیں۔ امریکی صدر نے گزشتہ روز بھی ذکر کیا کہ پاک بھارت جنگ میں 7 طیارے گرائے گئے۔
افغانستان کیساتھ مذاکرات ناکام ، پاکستان کا دہشتگردوں کیخلاف کارروائیاں جاری رکھنے کا اعلان
واضح رہے اس سے قبل وزیردفاع نے طالبان کو خبردار کرتے ہوئے کہا تھا کہ اگر افغان سرزمین پاکستان کیخلاف استعمال کی گئی تو افغانستان کے اندر جا کر بھی جواب دیں گے۔
