نوبیل امن انعام دینے والی ناروے کی کمیٹی نے رواں سال کے انعام کے لیے اپنا آخری اجلاس پیر کے روز منعقد کیا، جس میں 2025 کے نوبیل امن انعام کے حقدار کا فیصلہ کیا گیا۔
نوبیل انسٹیٹیوٹ نے جمعرات کو یہ تصدیق کی، جبکہ انعام کا اعلان آج کیا جائے گا۔
کمیٹی کے مطابق نوبیل امن انعام (Nobel Peace Prize) کے حقدار کا فیصلہ اسرائیل اور حماس کے درمیان حالیہ جنگ بندی اور یرغمالیوں کی رہائی کے معاہدے سے پہلے کر لیا گیا تھا۔
امریکی صدر ڈونلڈ ٹرمپ، جنہوں نے حالیہ دنوں میں اسرائیل اور حماس کے درمیان معاہدے کے لیے خوب دباؤ ڈالا۔ وہ بارہا دعویٰ کرتے آئے ہیں کہ وہ امن انعام کے حقدار ہیں۔ انہوں نے حال ہی میں بیان دیا تھا کہ اگر انہیں یہ انعام نہ دیا گیا تو یہ ‘امریکہ کی توہین’ ہوگی۔
مجھے کئی کاموں پر نوبیل امن انعام ملنا چاہیے، ٹرمپ
نوبیل انسٹیٹیوٹ نے مزید کہا کہ غزہ امن منصوبے کا امن انعام کے انتخاب پر کوئی اثر نہیں پڑا۔
نوبیل انسٹیٹیوٹ کے ترجمان ایرک آساہائم نے فرانسیسی خبر رساں ایجنسی اے ایف پی کو بتایا کہ نوبیل کمیٹی کا آخری اجلاس پیر کے روز ہوا، اور وہی فیصلہ کن تھا۔
نوبیل کمیٹی کے پانچ ارکان پر مشتمل پینل عمومی طور پر انعام کا فیصلہ کئی دن یا ہفتے پہلے کر لیتا ہے، اور اعلان سے قبل صرف آخری منظوری دی جاتی ہے۔
ٹرمپ کو نوبیل انعام نہیں ملے گا
تاہم نوبیل انعام کے ماہر اور مورخ آسلے سوین کا کہنا ہے کہ ٹرمپ کو اس سال انعام نہیں ملے گا، میں اس بات پر سو فیصد پراعتماد ہوں۔
بھارت میں ڈونلڈ ٹرمپ کو شیطان کے روپ میں پیش کیا گیا
انہوں نے مزید کہا کہ ٹرمپ نے اسرائیل کو غزہ پر بمباری کی کھلی اجازت دی اور بھرپور فوجی امداد فراہم کی، جس سے امن کے بجائے تنازع بڑھا۔
“He has no chance to get the Peace Prize at all,” said Asle Sveen, a historian of the award, citing Trump’s support for Israel in the war in Gaza and attempts at rapprochement with Russian president Putin, among the reasons.
His lobbying is likely to be counterproductive too. pic.twitter.com/wp4sshdcHU
— Michael Linder (@michaellinder) September 25, 2025
گزشتہ برس نوبیل امن انعام ہیروشیما اور ناگاساکی کے ایٹمی حملوں کے زندہ بچ جانے والوں کی تنظیم ‘نِیہون ہیدانکیو’ کو دیا گیا، جو دنیا بھر میں ایٹمی ہتھیاروں کے خاتمے کے لیے مہم چلا رہی ہے۔
امن انعام کا سرکاری اعلان آج بروز جمعہ ناروے کے وقت کے مطابق صبح 11 بجے کیا جائے گا۔
