معروف بھارتی گلوکار کمار سانو(kumar sanu) کی سابقہ اہلیہ نے اپنی شادی کے دوران کمار سانو کی جانب سے اپنائے گئے برے رویے سے پردہ اٹھا دیا۔
بھارتی میڈیا کو دیے گئے ایک انٹرویو میں کمار سانو کی سابقہ اہلیہ ریٹا(reeta) نے دعویٰ کیا کہ میں نے کمار سانو کے کیرئیر کی تشکیل میں اہم کردار ادا کیا لیکن انہوں نے شہرت ملتے ہی مجھے نہ صرف چھوڑ دیا بلکہ میری تذلیل بھی کی،اسے انسان کہنا بھی غلط ہوگا۔
پالیسی اور قیادت میں عدم تسلسل سے پاکستان کی کرکٹ زوال کا شکار
کمار سانو اگرچہ بھارت کے معروف گلوکار ہیں لیکن وہ گلوکاری کے حوالے سے کبھی بھی پرجوش نہیں تھے، انہیں گلوکار بنتے دیکھنا میرا خواب تھا اور میں نے ہی ان کی حوصلہ افزائی کی ۔
جب ہم ممبئی آئے تو ہمارے پاس پیسے اور گاڑی بھی نہیں تھی، ہم بالکل خالی تھے، اس وقت وہ لنگی پہنتا تھا اور ہم پنکھے کے بغیر فرش پر سوتے تھے۔
فلم عاشقی کی زبردست کامیابی کے بعد کمار سانو کا رویہ بدلنا شروع ہوگیا وہ بد اخلاق ہوگیا، اس نے مجھے بلاک کردیا اور خود کو اپنے خاندان سے دور کر لیا، انہیں اچھا لگتا تھا کہ ان کی زندگی کو میڈیا پر ڈسکس کیا جائے پھر چاہے وہ مثبت ہو یامنفی ۔
امریکہ میں فرانسیسی صدر کی گاڑی کو روک لیا گیا
میرے تیسرے حمل کے دوران کمار سانو اور ان کے اہل خانہ کی جانب سے مجھے شدید بدسلوکی برداشت کرنا پڑی، مجھے دوران حمل پیٹ بھر کر کھانا بھی نہیں دیا جاتا تھا۔
ایک مرتبہ کمار سانو نے مجھے کچن کے اسٹوریج میں بند کردیا اور خود باہر چلے گئے، اس کے بعد میں نے چوکیدار سے چاول منگواکر پکائے ، انہوں نے میرے بچوں کے لیے دودھ خرید کردینا بھی بند کردیا، ڈاکٹرز کو کہہ دیا کہ ہم آپ کے پیسے نہیں دیں گے۔
سابقہ اہلیہ نے مزید بتایا کہ میں نے اس وقت اپنے والد کو بھی کھو دیا جس کے بعد مجھ پر ٹارچر کی حدیں پار ہوگئیں، اس وقت سانو خود تو لیجنڈ بن گیا لیکن مجھے حمل کے دوران عدالت تک لے گیا، اسی دوران اس کا افیئر بھی ہوا ۔
آئی فون 17 سیریز کے مخصوص ماڈلز خراشوں کا شکار ہونے کی شکایات
بھارتی میڈیا کے مطابق کمار سانو نے 1986 میں ریٹا بھٹاچاریہ سے شادی کی تھی، اس جوڑے کے 3 بچے ہیں۔تاہم 1994 میں اداکارہ کنیکا سدانند کے ساتھ کمار سانو کے تعلقات منظر عام پر آنے کے بعد جوڑے کے درمیان علیحدگی ہوگئی تھی اور بچوں کو ریٹا کی کسٹڈی میں دے دیا گیا تھا۔
