ڈپٹی کمشنر مانسہرہ نے دریائے کنہار کے دونوں اطراف میں 200 فٹ تک تعمیرات پر پابندی عائد کر دی۔
ڈپٹی کمشنر کے جاری کردہ نوٹیفکیشن کے مطابق ریور پروٹیکشن ایکٹ خیبر پختونخوا کے تحت دریائوں کے اطراف میں 200 فٹ تک تعمیرات ممنوع ہیں۔
ڈپٹی کمشنر کا کہنا ہے کہ پشاور ہائیکورٹ کے حکم اور کمشنر ہزارہ کی ہدایات پر پابندی لگاتے ہوئے دفعہ 144 کا نفاذ کیا گیا ہے، دفعہ 144 کی خلاف ورزی کے مرتکب افراد کے خلاف کارروائی کی جائے گی۔
دریائے راوی کےکنارے غیرقانونی تعمیرات، ہائوسنگ سوسائٹی کا مالک گرفتار
خیال رہے حالیہ بارشوں کے نتیجے میں ملک کے دیگر حصوں کی طرح مانسہرہ اور بالاکوٹ کے ندی نالوں میں بھی طغیانی آنے سے دریا اور نالوں کی قریبی آبادیوں کو نقصان پہنچا تھا۔
