ایشیا کپ 2025 کے لیے متحدہ عرب امارات ( یو اے ای ) نے اسکواڈ کا اعلان کر دیا۔
اوپننگ بلے باز محمد وسیم 17 رکنی اسکواڈ کی قیادت کریں گے۔ علیشان شرفو، آریانش شرما، آصف خان، دھرو پراشر، ایتھن ڈی سوزا، حیدر علی، ہرشیت کوشک اور جنید صدیق اسکواڈ میں شامل ہونگے۔
جنوبی افریقی ٹیم 4 سال بعد پاکستان میں ٹیسٹ میچز کھیلے گی ، سیریز کا مجوزہ شیڈول سامنے آ گیا
اس کے علاوہ مطیع اللہ خان، محمد فاروق، محمد جواد اللہ، محمد زوہیب، راہول چوپڑا ، روہید خان، سمرن جیت سنگھ اور صغیر خان بھی اسکواڈ کا حصہ ہیں۔
یو اے ای کی ٹیم پاکستان، بھارت اور عمان کے ساتھ گروپ اے میں شامل ہے۔ امارات کی ٹیم ایشیا کپ میں اپنا پہلا میچ 10 ستمبر کو بھارت کیخلاف کھیلے گی جبکہ یو اے ای اور پاکستان کے درمیان مقابلہ 17 ستمبر کو ہو گا۔
