جنگ بندی معاہدے کے باوجود اسرائیل نے غزہ کی پٹی میں آدھے گھنٹے کے دوران 35 فضائی حملے کرتے ہوئے 308 فلسطینیوں کو شہید کر دیا۔
فلسطین کی سول ایمرجنسی سروس کا کہنا ہے کہ غزہ میں صحری کے وقت کئے جانے والے حملوں میں سیکڑوں شہری زخمی بھی ہوئے۔
غزہ، رفح میں اسرائیلی فوج کی فائرنگ، 2 فلسطینی شہید، 3شدید زخمی
غیر ملکی خبر رساں ایجنسی کے مطابق اسرائیلی فوج نے وسطی غزہ کے دیرالبلاح میں 3 گھروں کو نشانہ بنایا ، خان یونس اور رفح میں بھی حملے کیے گئے۔ شہید ہونے والوں میں بچے بھی شامل ہیں۔
19 جنوری کو حماس کے ساتھ جنگ بندی کے آغاز کے بعد سے اسرائیل کی جانب سے یہ سب سے بڑے حملے کیے گئے ہیں۔
اسرائیلی وزیر اعظم کے دفتر کا کہنا ہے کہ حماس کی جانب سے یرغمالیوں کی رہائی سے بار بار انکار اور دی گئی تمام تجاویز کو مسترد کرنے کے بعداسرائیلی فوج کوغزہ میں حماس کے خلاف سخت ایکشن لینے کی ہدایت جاری کی گئی ہیں۔
مصر نے غزہ کی تعمیر نو کا منصوبہ پیش کر دیا، 53 ارب ڈالر لاگت آئے گی
دوسری جانب اسرائیلی حملوں پر فلسطین کی مزاحمتی تنظیم حماس نے ردعمل دیتے ہوئے کہا ہے کہ اسرائیل یکطرفہ طور پر جنگ بندی معاہدے کو ختم کر رہا ہے۔
