ٹی ٹوئنٹی ورلڈکپ 2024 کےلیے پاکستان کے اسکواڈ کا اعلان نیوزی لینڈ کے خلاف جاری ٹی ٹوئنٹی سیریز کے بعد کیا جائے گا۔
ذرائع کا کہنا تھا کہ ٹی ٹوئنٹی ورلڈ کپ کےلیے یکم مئی تک نام بھجوانے ہیں، 25 مئی تک اسکواڈ میں رد و بدل کے بعد آئی سی سی کی منظوری لینا لازمی ہوگی۔
ذرائع نے بتایا کہ پاکستان کے اسکواڈ میں 17، 18 کھلاڑیوں کو رکھے جانے کا امکان ہے جبکہ آئرلینڈ روانگی سے قبل مختصر کیمپ بھی لگائے جانے کا امکان ہے۔
محمد رضوان کو ٹی ٹوئنٹی ٹیم کا نائب کپتان بنائے جانے کا امکان
واضح رہے کہ پاکستان ٹیم آئرلینڈ میں تین اور انگلینڈ میں چار ٹی ٹوئنٹی میچز کھیلے گی۔پاکستان ٹی ٹوئنٹی اسکواڈ انگلینڈ سے ورلڈ کپ کےلیے امریکا روانہ ہوگا۔
پاکستان ٹیم 7 مئی کو آئرلینڈ روانہ ہوگی، سیریز 10 مئی کو شروع ہوگی جبکہ انگلینڈ میں سیریز کا 22 مئی سے آغاز ہوگا۔
دوسری جانب اسکواڈ کے علاوہ غیرملکی ہیڈ کوچز، اسسٹنٹ کوچ کا اعلان بھی نیوزی لینڈ سیریز کے اختتام پر ہوگا۔
