ملک میں سونے کی قیمتوں میں پیر کے روز نمایاں اضافہ دیکھا گیا، جہاں فی تولہ سونا 3,900 روپے مہنگا ہو کر 4,75,962 روپے تک پہنچ گیا۔
آل پاکستان جیمز اینڈ جیولرز صرافہ ایسوسی ایشن کے مطابق 10 گرام سونے کی قیمت بھی 3,343 روپے اضافے کے بعد 4,08,060 روپے ہو گئی ہے۔
عالمی منڈی میں بھی سونے کی قیمت میں اضافہ ہوا، جہاں فی اونس سونا 39 ڈالر بڑھ کر 4,532 ڈالر تک جا پہنچا، جس کا اثر مقامی مارکیٹ پر بھی پڑا۔
دوسری جانب چاندی کی قیمت میں بھی اضافہ ریکارڈ کیا گیا، جو 70 روپے بڑھ کر 7,524 روپے فی تولہ ہو گئی۔
یاد رہے کہ ہفتہ کے روز بھی سونے کی قیمت میں 4,800 روپے کا اضافہ ہوا تھا، جس کے بعد قیمت 4,72,062 روپے فی تولہ تک پہنچ گئی تھی۔
