دنیا بھر میں مقبول جادوئی فینٹسی سیریز “ہیری پوٹر” کی نئی ٹی وی سیریز کا پہلا آفیشل ٹیزر ٹریلر جاری کر دیا گیا ہے، جس نے شائقین میں دوبارہ جوش و خروش بیدار کر دیا ہے۔
اس نئی سیریز کا عنوان ’ہیری پوٹر اینڈ دی فلاسفرز اسٹون‘ رکھا گیا ہے، جو جے کے رولنگ کے پہلے ناول پر مبنی ہے اور اسے آٹھ اقساط پر مشتمل پہلے سیزن کے طور پر ایچ بی او پر دکھایا جائے گا۔
حمزہ علی عباسی اور اہلیہ نے آن لائن رشتہ ایپ لانچ کر دی
’ایچ بی او میکس یوکے‘ لانچ ایونٹ کے دوران ایچ بی او نے اعلان کیا ہے کہ یہ ٹی وی ایڈاپٹیشن کرسمس 2026 کو پوری دنیا میں ریلیز ہوگی، اور اسے ایچ بی او اور ایچ بی او میکس پر اسٹریمنگ کے لیے پیش کیا جائے گا۔
اوّلین ٹیزر میں ہیری، ہرمیون اور رون سمیت مشہور کرداروں کے ابتدائی مناظرات دکھائے گئے ہیں، جو ہاگ وارٹس اسکول آف وچ کرافٹ اینڈ وزارڈری میں داخلے کے وقت شروع ہونے والی داستان کی جھلکیاں پیش کرتے ہیں۔
ذوالقرنین سکندر اور رجب بٹ کے درمیان تنازعہ شدت اختیار کر گیا
ٹریلر کا آغاز ہیری پوٹر کی مشکل اور تنہا زندگی سے ہوتا ہے، جہاں وہ عام دنیا میں نظر انداز اور اسکول میں تنگ کیے جانے کا شکار دکھائی دیتا ہے۔ کہانی ایک اہم موڑ لیتی ہے جب اسے ہاگ وارٹس اسکول آف وچ کرافٹ اینڈ وزارڈری میں داخلے کا خط موصول ہوتا ہے، جو اس کی زندگی کا رخ مکمل طور پر بدل دیتا ہے۔
کہانی کے مطابق، ہیری پوٹر بظاہر ایک عام بچہ ہوتا ہے، لیکن اپنی 11ویں سالگرہ پر ملنے والا یہ خط اسے جادو، دوستی اور مہمات سے بھرپور ایک نئی دنیا میں داخل کر دیتا ہے۔ تاہم، اس نئی زندگی کے ساتھ اسے ایک خطرناک دشمن کا سامنا بھی کرنا پڑتا ہے، جو کہانی کو مزید سنسنی خیز بنا دیتا ہے۔
اگرچہ اس سیریز کے اعلان اور ٹیزر نے شائقین میں جوش پیدا کیا ہے، تاہم ابتدائی ردعمل میں کچھ ناقدین نے اسے اصل فلمی سیریز کے مقابلے میں کم متاثر کن قرار دیا ہے۔ اس کے باوجود، یہ پراجیکٹ ایک نئی نسل کے لیے ہیری پوٹر کی جادوئی دنیا کو ازسرِ نو متعارف کروانے کی اہم کوشش سمجھا جا رہا ہے۔
