پاکستان کی تاریخ کی پہلی ای ٹیکسی اسکیم کا آج وزیراعلیٰ پنجاب مریم نواز افتتاح کریں گی۔
پاکستان کی تاریخ میں پہلی مرتبہ پنجاب میں ای ٹیکسی اسکیم متعارف کرائی جا رہی ہے، جس کا افتتاح وزیراعلیٰ مریم نوازآج کریں گی، اسکیم کے پہلے مرحلے میں 1100 الیکٹرک گاڑیاں فراہم کی جائیں گی۔
ای ٹیکسی اسکیم میں خواتین کے لیے 30 فیصد کوٹہ مخصوص کیا گیا ہے جبکہ خواتین ڈرائیورز کی گاڑیوں کا رنگ بھی الگ رکھا جائے گا تاکہ انہیں نمایاں اور محفوظ سفری سہولت فراہم کی جا سکے۔
مرد ڈرائیوروں کے لیے 50 فیصد اور خواتین ڈرائیوروں کے لیے 60 فیصد ڈاؤن پیمنٹ حکومت پنجاب ادا کرے گی، اس کے علاوہ گاڑیوں کی رجسٹریشن، فٹنس ٹیسٹ اور ٹوکن ٹیکس فیس بھی حکومت پنجاب برداشت کرے گی، اسکیم کے تحت گاڑیوں کی قیمت پانچ سالہ آسان اقساط میں ادا کی جا سکے گی۔
ڈرائیورز اور مسافروں کی حفاظت کو یقینی بنانے کے لیے ہر ای ٹیکسی میں پینک بٹن نصب کیا جائے گا جو پنجاب سیف سٹیز اتھارٹی سے منسلک ہوگا۔ ای ٹیکسی گاڑیاں رائیڈ ہیلنگ پلیٹ فارمز اِن ڈرائیو اور یینگوکے ساتھ رجسٹرڈ ہوں گی۔
پی ٹی آئی میں ہزار اختلاف ہونے کے باوجود ایک چیز پر اتفاق ہے کہ عمران خان جیل میں رہیں، خواجہ آصف
عوامی مقامات پر گاڑیوں کی چارجنگ کے لیے فاسٹ چارجرز نصب کیے جائیں گے جبکہ ڈیجیٹل ادائیگی کی سہولت بھی فراہم کی جائے گی، حکومت کا کہنا ہے کہ اس اقدام سے ماحول دوست ٹرانسپورٹ کو فروغ ملے گا اور روزگار کے نئے مواقع پیدا ہوں گے۔
