لاہور ہائیکورٹ نے وفاقی حکومت سے پیٹرولیم مصنوعات کی قیمتوں کا میکنزم طلب کرلیا۔
لاہور ہائیکورٹ (Lahore High Court) میں پیٹرولیم مصنوعات کی قیمتوں میں حالیہ اضافے کے خلاف دائر متفرق درخواست پر سماعت ہوئی، جہاں عدالت نے درخواست قابل سماعت ہونے پر وفاقی حکومت سمیت دیگر متعلقہ فریقین سے جواب طلب کر لیا۔
سماعت کے دوران عدالت نے حکومت پاکستان( Government of Pakistan) کو ہدایت کی کہ پیٹرولیم مصنوعات کی قیمتوں کے تعین کا مکمل میکنزم بھی عدالت میں پیش کیا جائے، تاکہ قیمتوں میں حالیہ اضافے کی وجوہات اور طریقہ کار کا جائزہ لیا جا سکے۔
کیس کی سماعت جسٹس خالد اسحاق( Justice Khalid Ishaq )نے کی ،یہ درخواست Judicial Activism Panel کی جانب سے دائر کی گئی تھی۔
ایک لیٹر پیٹرول پر ٹیکس 100 روپے سے تجاوز کر گیا
عدالت نے فریقین کو نوٹس جاری کرتے ہوئے آئندہ سماعت پر تفصیلی جواب جمع کرانے کی ہدایت کر دی۔
یاد رہے کہ حکومت نے اگلے پندرہ روز کیلئے پیٹرول اور ڈیزل کی قیمتوں میں اضافہ کر دیا ہے۔حکومت کی جانب سے پیٹرول کی قیمت میں 5 روپے کا اضافہ کیا گیا ہے جس کے بعد پیٹرول کی نئی قیمت 258 روپے 17 پیسے فی لیٹر ہو گئی۔
اس کے علاوہ ہائی اسپیڈ ڈیزل کی قیمت میں 7 روپے 32 پیسے اضافہ کیا گیا ہے جس کے بعد ہائی اسپیڈ ڈیزل کی نئی قیمت 275 روپے 70 پیسے ہو گئی۔
