ترجمان قومی اسمبلی نے قومی اسمبلی کا یوٹیوب چینل بند کرنے کی تردید کر دی۔
ترجمان نے بتایا کہ یو ٹیوب چینل کی بندش کے حوالے سے منظر عام پر آنے والی خبروں میں صداقت نہیں، سوشل میڈیا سرور ڈاؤن ہونے کی وجہ سے تکنیکی مسائل تھے۔
پیپلز پارٹی کا صدر کی منظوری کے بغیر آرڈیننس جاری کرنے کیخلاف قومی اسمبلی سے واک آؤٹ
ترجمان نے مزید بتایا کہ تکنیکی مسئلہ جمعہ کے بعد حل ہو گیا تھا جس کے بعد چینل آپریشنل ہو گیا، پارلیمنٹ کے مشترکہ اجلاس کی کارروائی اور تقاریر چینل پر اپ لوڈ کر دی گئی ہیں۔
ترجمان نے مزید کہا کہ خبر نشر کرنے سے قبل قومی اسمبلی سیکرٹریٹ یا ترجمان کا مؤقف نہیں لیا گیا۔
