قومی ہاکی ٹیم کے کھلاڑیوں نے ڈیلیز الاؤنس کی عدم ادائیگی پر کیمپ کا بائیکاٹ کردیا۔
ذرائع کے مطابق ڈیلی الاؤنس کا معاملہ حل نہ ہونے پر قومی ہاکی کھلاڑیوں نے ٹریننگ کیمپ میں شرکت نہیں کی،پی ایچ ایف کی جانب سے 23 جنوری تک ادائیگی کرنے کی یقین دہانی کرائی گئی تھی۔
ڈیڈ لائن کے روز فیڈریشن نے ادائیگی میں مزید ایک ہفتے کی مہلت مانگ لی،فیڈریشن کا پیغام منیجمنٹ کے ذریعے کھلاڑیوں تک پہنچایا گیا۔
ادائیگی میں مزید تاخیر پر کھلاڑیوں نے اجتماعی طور پر کیمپ بائیکاٹ کا فیصلہ کیا، کیمپ میں شامل تمام قومی ہاکی کھلاڑی بائیکاٹ میں شریک ہیں۔
ذرائع کے مطابق پی ایچ ایف پر بنگلادیش سیریز کی ڈیلیز کی ادائیگی تاحال واجب الادا ہے، پرو ہاکی لیگ کے پہلے مرحلے کے واجبات بھی تاحال ادا نہیں کیے گئے۔
پرو لیگ کے 10 ہزار روپے یومیہ الاؤنس پی ایس بی نے ادا کیے، باقی 20 ہزار روپے یومیہ الاؤنس پی ایچ ایف نے ادا کرنے کا وعدہ کیا تھا۔
