لاہور پولیس اہلکار کی شہری سے رشوت لینے کی ویڈیو سوشل میڈیا پر وائرل ہو گئی ہے، جس میں اہلکار رشوت لیتے وقت بسم اللہ پڑھتے ہوئے رشوت وصول کر رہا ہے۔
واقعہ تھانہ راوی روڈ کے علاقے میں پیش آیا، جہاں اہلکار عبدالرحمن نے رنگ روڈ پر شہری کو روک کر رشوت طلب کی، شہری نے ایک ہزار روپے دینے کی کوشش کی، لیکن اہلکار نے مزید 500 روپے کا تقاضا کیا۔
کراچی،سی آئی اے پولیس نے 28کروڑکی منشیات مبینہ طور پر 5کروڑ میں بیچ دی
اہلکار نےبسم اللہ پڑھ کر پیسے جیب میں ڈالے اور شہری کو گاڑی کے کاغذات ساتھ رکھنے کی ہدایت بھی کی۔
لاہور:یہ صاحب بسمہ اللہ پڑھ کررشوت لےرہےہیں،ذرائع کےمطابق یہ ویڈیومبینہ طورپررنگ روڈکی ہے۔ pic.twitter.com/cPBq06X2f3
— Ali Imran Abbasi (@aliimranabbasi) January 19, 2026
ویڈیو وائرل ہونے کے بعد ڈی آئی جی آپریشنز فیصل کامران نے نوٹس لیا جس پر اہلکار عبدالرحمان کو گرفتار کر لیا گیا۔ ڈی آئی جی کا کہنا تھا کہ ایک اہلکار کا غلط فعل پوری پولیس فورس کی بدنامی کا باعث بنتا ہے، ایسے اہلکاروں کی لاہور پولیس میں کوئی جگہ نہیں۔
