آل پارٹیز حریت کانفرنس (APHC) نے یونیورسٹی آف کوٹلی میں ایک اہم سیمینار کا انعقاد کیا، جس میں مسئلہ کشمیر اور انسانی حقوق کے پہلو زیرِ بحث آئے۔
یونیورسٹی آف کوٹلی کے آڈیٹوریم میں ہونے والے اس پروگرام میں تقریباً 500 سے زائد طلبہ اور فیکلٹی ممبرز نے شرکت کی۔
یہ سیمینار 2020 کے بعد پہلی مرتبہ APHC کی جانب سے یونیورسٹی آف کوٹلی میں منعقد کیا گیا، جسے انتظامی اور طلبہ حلقوں میں خاصی توجہ حاصل رہی۔
پروگرام کے نمایاں مقررین میں APHC کے کنوینر، جنرل سیکریٹری APHC، وائس چانسلر یونیورسٹی آف کوٹلی اور فیکلٹی کے سینئر ارکان شامل تھے۔ مقررین نے مقبوضہ کشمیر کی موجودہ صورتحال، انسانی حقوق کی سنگین خلاف ورزیوں اور نوجوانوں کے کردار پر مفصل گفتگو کی۔
مقبوضہ کشمیر متنازع ،فیصلہ عوام کی خواہشات کے مطابق ہونا چاہیے، امیر مقام
سیمینار کے دوران مختلف نظریات رکھنے والے طلبہ نے APHC قیادت سے تیز رفتار اور چیلنجنگ نوعیت کے سوالات پوچھے۔ تاہم APHC وفد نے تمام سوالات کا پُراعتماد، مدلل اور پُرامن انداز میں جواب دیتے ہوئے مکالمے کو مثبت سمت میں برقرار رکھا۔ طلبہ نے اس بات کو سراہا کہ انہیں کھلے انداز میں سوال کرنے اور اپنی رائے کا اظہار کرنے کا موقع دیا گیا۔
سیمینار کے اختتام پر ہال میں موجود طلبہ نے حریت قیادت کے ساتھ اظہارِ یکجہتی کرتے ہوئے حلف اٹھایا کہ وہ انسانی حقوق کے عالمی دن کے موقع پر کوٹلی میں ہونے والی APHC ریلی میں بھرپور شرکت کریں گے۔
