اسلام آباد میں اسپیکر قومی اسمبلی سردار ایاز صادق نے گورنر بلوچستان شیخ جعفر خان مندوخیل سے ملاقات کی، جس میں وفاقی وزیر سائنس و ٹیکنالوجی خالد حسین مگسی اور سابق چیئرمین سینیٹ صادق سنجرانی بھی شریک تھے۔
ملاقات کے دوران بلوچستان کی سیاسی اورانتظامی صورتحال پرتفصیلی تبادلہ خیال کیا گیا اور صوبے میں جاری ترقیاتی منصوبوں اور عوامی فلاح کے امور زیرِ غور آئے۔
گورنر بلوچستان نے صوبے میں جاری ترقیاتی منصوبوں کی پیشرفت پر بات کی اور امن و امان کے قیام کے لیے سیکیورٹی فورسز اور قانون نافذ کرنے والے اداروں کی کاوشوں کو سراہا۔
اسپیکر قومی اسمبلی سردار ایاز صادق نے کہا کہ بلوچستان دل کے قریب ہے، صوبے کے مسائل کا حل موجودہ حکومت کی اولین ترجیح ہے اور پاکستان کی ترقی بلوچستان کی ترقی سے جڑی ہوئی ہے۔
پی آئی اے کی بِڈنگ 23 دسمبر کو ہو گی جو براہ راست نشر کی جائے گی، وزیرِ اعظم
وفد نے ملک کے وفاقی اور صوبائی جمہوری اداروں کے مابین روابط کو فروغ دینے کے لیے اسپیکر کی کاوشوں کو سراہا اور قومی اسمبلی کی کارروائی کو خوش اسلوبی سے چلانے پر ان کے کردار کو بھی سراہا۔
ملاقات میں وفاق اور بلوچستان کے درمیان تعاون کو مزید مضبوط بنانے پراتفاق کیا گیا اور صوبے کے عوام کی فلاح و ترقی کو قومی ترجیح قرار دیا گیا، جس سے مستقبل میں بلوچستان میں ترقیاتی منصوبوں کی تیز رفتار تکمیل اور عوامی بہبود کے اقدامات کو فروغ ملنے کی توقع ہے۔
